Tags-Kiss

agar tum bosa-e-seb-e-zaqan se ho ga.e qātil
gale par pher diije mere chāqū meva-ḳhorī kā

misl-e-gulāb aap jo mahke haiñ baaġh meñ
bosa vasūl kījiye titlī kā gaal par

na halchal hai na koī mauj-e-bosa
samundar ke kināre bujh rahe haiñ

muñh hai 'goyā' kā us kā bosa le
baat dushman ne ye banā.ī hai

bosa na le sake kaf-e-pā kā adab se ham
kāTeñ haiñ is liye kaf-e-afsos shab se ham

kab kāmyāb-e-bosa hue us ke lab se ham
sharminda hī rahe dil-e-matlab-matlab se ham

ai mire shabd, mire bhed, mahā-dhan mere
raat meñ ḳhushbū tirī! niiñd meñ bosa teraa...

tirī ai shāh-e-ḳhūbāñ ho balā chaT
vo bosa de ki ho jis kī sadā chaT

thī dhaar rag-e-gardan pe mirī siina bhī dabā thā qadmoñ se
ḳhanjar kā tire bosa ham ne muñh pher ke tā-imkān liyā

us ghar meñ karam jab tū ne kiyā kuchh der Thahar ai tīr-e-nazar
bosa tire qadmoñ kā dil ne kis shauq se ai mehmān liyā

bose kī talab ki vasl kā zikr
farmā.iye nāgavār kyā hai

kyā kartā maiñ ham-asroñ ne tanhā mujh par chhoḌ diyā
sab ne bosa de kar sach kā bhārī patthar chhoḌ diyā

ye tavāf-e-ka.aba ye bosa sañg-e-siyāh kā
ye talāsh ab bhī hai pattharoñ ke hijāb meñ

dam-ba-dam bheje hai quliyāñ hī ko kyā muñh se lagā
lab se bhī lab ko milā bosa-ba-paiġhām na bhej

de kabhī bosa-e-chashm-o-lab-e-jāñ-baḳhsh bhī jaañ
sirf sauġhāt hameñ bosa-ba-paiġhām na bhej

bāzār-e-bosa tez se hai tez-tar 'zafar'
ummīd to nahīñ ki ye mahñgā.ī ḳhatm ho

bosa nahīñ dete haiñ shab-e-vasl meñ bhī aap
mazrūa-e-umīd kā hāsil nahīñ miltā

bosa āñkhoñ kā jo māñgā to vo hañs kar bole
dekh lo duur se khāne ke ye bādām nahīñ

'shabāb' bosa liyā jo maiñ ne to kyā bigaḌ kar vo shoḳh bolā
adab zarā bhī nahīñ hai tujh ko hayā to chhū bhī nahīñ ga.ī hai

sotā hai to letā huuñ maiñ yuuñ chorī se bosa
juuñ muñh meñ khilā de koī misrī kī Dalī chup