Tags-Kitab

vajūd-e-insāñ
kitāb tasnīf kar rahā hai

kitāb gumrāh kar rahī hai
pa ik yaqīñ hai ki

varaq ulaT diyā kartā hai be-ḳhayālī meñ
vo shaḳhs jab mirā chehra kitāb hotā hai

kidhar se barq chamaktī hai dekheñ ai vaa.iz
maiñ apnā jaam uThātā huuñ tū kitāb uThā

kitāb-e-ishq ke jo mo'atabar risāle haiñ
unhīñ meñ husn ke kuchh mustanad havāle haiñ

dekho junūñ meñ un ke khilaune na toḌnā
tum ko raqam kareñge ye bachche kitāb meñ

maiñ ek baab thā afsāna-e-vafā kā magar
tumhārī bazm se uTThā to ik kitāb banā

tumheñ bhejūñ kitāb-e-zindagī apnī
zarā tartīb de denā

maiñ us kitāb ke kis baab ko paḌhūñ pahle
visāl jis kā hai mazmūñ firāq unvāñ hai

vo tum nahīñ ho to phir kaun thā vo tum jaisā
kisī kā zikr to thā har kitāb meñ shāmil

kyuuñ kar na munfarid hoñ 'ḳhayālī' ġhazal ke sher
aurāq muntashir haiñ ye dil kī kitāb ke

jagah jagah pe muḌe haiñ ka.ī varaq mere
kisī ne roz paḌhā thā kitāb kar ke mujhe

ajab ghaḌī thī
kitāb kīchaḌ meñ gir paḌī thī

vahī ek manzar-e-ḳhush-adā kahīñ naqsh meñ kahīñ rañg meñ
vahī us kī zulf ġhazal-numā vahī us kā chehra kitāb sā

har ek sher thā merā mire ḳhayāl kā aks
koī kitāb na thī koī iqtibās na thā

maiñ sāhab-e-ḳhabar bhī nazar bhī junūñ bhī thā
jab tak rahā thā merā ta.alluq kitāb se

tanqīd kar rahe haiñ kitāb-e-hayāt par
aage na baḌh sake jo kabhī intisāb se

vo ashk jis pe chāñdnī-shab kā libās hai
shāyad kitāb-e-ġham kā koī iqtibās hai

zālim the varā-e-hisāb-o-kitāb kyā
un par nuzūl-e-qahr-e-ḳhudā kyuuñ nahīñ huā

ye jo zindagī kī kitāb hai ye kitāb bhī kyā kitāb hai
kahīñ ik hasīn sā ḳhvāb hai kahīñ jān-levā azaab hai