Tags-Lab

jasārat aks pe lab rakhne kī nahīñ karte
bahut huā bhī to palkoñ se gudgudī kar dī

parī ke paaoñ gulābī gudāz raqs-parast
taḌaptī machhliyāñ mehrāb-e-lab thiraktī kalī

do lab aqiiq guhar pañkhuḌī sharāb-e-kuhan
lazīz naram mulā.em sharīr bhīgī kalī

zer-e-lab arz o samā meñ bāhamī guft-o-shunūd
mish.al-e-gardūñ ke bujh jaane se ik halkā sā duud

qatroñ ke lab pe shor-e-anal-bahr hai ravāñ
taqlīd kyā ye hazrat-e-mansūr kī nahīñ

āñkhoñ se qatl karte ho lab se jalāte ho
phir ye kamāl kyā hai jo afsūñ-garī nahīñ

inkār ab to is lab-e-nāzuk se ho chukā
pahlī sī shakl ġhuncha-e-ummīd kī nahīñ

rotā hai be-sabātī-e-gulzār-e-dahr par
ġhunche ke lab pe ġhaur se dekho hañsī nahīñ

nutq ho jaatā hai ilmī istelāhoñ se udaas
la.al-e-lab meñ shahad kī baaqī nahīñ rahtī miThās

kaif meñ ik ''laġhzish-e-pā'' click-e-gauhar-bār kī
''iztirārī ek jumbish sii'' lab-e-guftār kī

sher ho jaatā hai sirf ik jumbish-e-lab se niDhāl
saañs kī garmī se paḌ jaatā hai is shīshe meñ baal

chhā.e rahte haiñ jo shā.er ke dil-e-sarshār par
TuuT kar aate haiñ vo naġhme lab-e-guftār par

yaanī ik lai se lab-e-nāqid ko khulnā chāhiye
pañkhuḌī par qatra-e-shabnam ko tulnā chāhiye

har saañs se dars-e-aman diyā har jabr pe dād-e-ulfat dī
qātil ko bhī gar lab hil na sake āñkhoñ se duā-e-rahmat dī

siine meñ jo de kāñToñ ko bhī jā us gul kī latāfat kyā kahiye
jo zahar piye amrit kar ke us lab kī halāvat kyā kahiye

farsh āñkheñ kiye baiThe haiñ javānān-e-chaman
dil meñ tūfān-e-tarab lab pe mohabbat ke suḳhan

ishq-e-pinhāñ dīda-e-giryāñ ne zāhir kar diyā
hañsne kī jā hai lab-e-iz.hār āñkheñ ho ga.iiñ

ai but-e-kāfir hai bas be-aib zaat allāh kī
lab tire iisā hue bīmār āñkheñ ho ga.iiñ

ab āsmāñ ban ke mirā mudda.ī banā
thī lab pe kuchh fuġhāñ to falak kā nishāñ na thā