Collections

Lab Shayari

Motivational Ghazals

Best Khamoshi Shayari

More Collections

Tags-Lab

tirā lab dekh haivāñ yaad aave
tirā mukh dekh kan.āñ yaad aave

tera lab dekh haiwan yaad aawe

jo ek bosa-e-lab luuñ hazār shukr karūñ
tire raqīb sā maiñ bhī namak-harām nahīñ

qubul kijiye inkar ka maqam nahin

be-bosa-e-lab ke to kabhī maiñ na Talūñgā
go gāliyāñ tū degā to ban jā.ūñgā gūñgā

hathon ko uTha jaan se aaKHir ko rahunga

ġhamoñ kī dhuup meñ lab par tabassum
ye jiine kā hunar dekhā to jaa.e

koi hai baam par dekha to jae

tishna-lab kaun hai vo jis ke liye nahr-e-furāt
merī palkoñ kī muñDeroñ pe dharī rahtī hai

zard mausam mein bhi ek shaKH hari rahti hai

jo mere lab pe hai shāyad vahī sadāqat hai
jo mere dil meñ hai us harf-e-rā.egāñ pe na jā

ye pairahan jo meri ruh ka utar na saka

baat pur-pech hañsī lab pe shikan māthe par
dil samajhne se hai qāsir ye muamma kyā hai

aql hairan hai rahmat ka taqaza kya hai

jise milī hai sazā harf-e-haq sunāne kī
salīb-e-lab pe vo Thahrī huī sadā huuñ maiñ

zawal-e-azmat-e-insan ka marsiya hun main

muntazir haiñ tishna-lab ye kausar-o-tasnīm kā
ek zanjīr-e-kashish bhī sāqi-e-mehvash meñ hai

dil mera raqsan hai jab se aql is shorish mein hai

zañg-ḳhurda lab achānak āftābī ho ga.e
us gul-e-ḳhush-rañg ko chhū kar gulābī ho ga.e

zang-KHurda lab achanak aaftabi ho gae

phir ġhazal hotī sab zabānoñ par
phir kisī ke na lab sile hote

hum jo pahle kahin mile hote

phir kisī mai-kada-e-husn meñ vaisī na milī
jaisī pī thī kisī ḳhush-lab se bahut din pahle

kaT chuki thi ye nazar sab se bahut din pahle

aaj tak gosh-bar-āvāz huuñ sannāTe meñ
harf utrā thā tire lab se bahut din pahle

kaT chuki thi ye nazar sab se bahut din pahle

kisī ke lab pe bhole-pan se merā naam hai shāyad
mirī bechārgī se phir kisī ko kaam hai shāyad

kisi ke lab pe bhole-pan se mera nam hai shayad

mirī to jumbish-e-lab bhī hai nā-ḳhushī kā sabab
ab aap hī koī tarz-e-bayāñ sikhā diije

ye narm hath mare hath mein thama dije

pahle ik huuk sī uThtī hai lab-e-sāhil par
phir kahīñ jā ke samundar meñ bhañvar aatā hai

shauq se aae bura waqt agar aata hai

uf vo āñkheñ marte dam tak jo rahī haiñ ashk-bār
haa.e vo lab umr bhar jin par hañsī dekhī nahīñ

ishq mein gham ke siwa koi KHushi dekhi nahin

nazar meñ be-ruḳhī lab par tabassum
na jaane dil meñ kyā Thāne hue haiñ

nazar mein be-ruKHi lab par tabassum

kyā karoge dil-e-pur-ḳhūñ kī hikāyat sun kar
ye hadīs-e-lab-o-ruḳhsār nahīñ dīvāno

marhale zist ke dushwar nahin diwano

hairāñ huuñ ki ab lā.ūñ kahāñ se maiñ zabāñ aur
lab kahte haiñ kuchh aur unheñ hotā hai gumāñ aur

hairan hun ki ab laun kahan se main zaban aur