Tags-Lab

ḳhushk hote haiñ dam-ba-dam lab-e-zaḳhm
aab shamshīr kā pilātā rah

tum use le chalo lab-e-kausar
ai farishto ye karbalā.ī hai

lab haiñ masrūf-e-qasīda-goī
aur āñkhoñ meñ hai zillat uryāñ

donoñ ko fart-e-shauq ne lab-basta kar diyā
vo chup rahā to ham se bhī bolā nahīñ gayā

har phuul ke lab par naam mirā charchā hai chaman meñ aam mirā
shohrat kī ye daulat kyā kam hai gar paas nahīñ hai maal to kyā

sargoshiyoñ kī raat hai ruḳhsār o lab kī raat
ab ho rahī hai raat javāñ dekhte chaleñ

tishnagī meñ lab bhigo lenā bhī kaafī hai 'farāz'
jaam meñ sahbā hai yā zahrāb mat dekhā karo

hama-tan gosh ik zamāna thā
mere lab par tirā fasāna thā

āḳhirī vaqt hai āḳhirī saañs hai zindagī kī hai shaam āḳhirī āḳhirī
sañg-dil aa bhī jā ab ḳhudā ke liye lab pe hai terā naam āḳhirī āḳhirī

lab pe pābandī to hai ehsās par pahrā to hai
phir bhī ahl-e-dil ko ahvāl-e-bashar kahnā to hai

lab pe hichkī bhī hai tabassum bhī
jaane ham kis se mil rahe haiñ gale

dil mahv-e-tamāshā-e-lab-e-bām nahīñ hai
paiġhām ba-andāz-e-paiġhām nahīñ hai

aksar lab-e-shā.ir se jo suntā hai zamāna
vo ziist kī āvāz hai ilhām nahīñ hai

har ek shaḳhs ḳhafā mujh se anjuman meñ thā
ki mere lab pe vahī thā jo mere man meñ thā

havā dhund ke phaile lab chūmtī hai
kahāñ zindagī hai?

piive merā hī lahū maanī jo lab us shoḳh ke
khīñche to shañgarf se ḳhūn-e-shahīdāñ chhoḌ kar

ġham-ba-dil shukr-ba-lab mast o ġhazal-ḳhvāñ chaliye
jab tilak saath tire umr-e-gurezāñ chaliye

taklīf na kar aah mujhe jumbish-e-lab kī
maiñ sad suḳhan-āġhushta-ba-ḳhūñ zer-e-zabāñ huuñ

jalva hai mujhī se lab-e-dariyā-e-suḳhan par
sad-rañg mirī mauj hai maiñ tab-e-ravāñ huuñ