Tags-Lab

'ramz' us ko de gayā ik tarz-e-fariyād-o-fuġhāñ
band āñkhoñ ko lab-e-iz.hār kar lenā mirā

harf-e-shikva na lab pe laao tum
zaḳhm khā kar bhī muskurāo tum

rāstī pe madār ho jis kā
ab na vo baat lab pe laao tum

kyā huā lab ko sī diyā bhī agar
ḳhāmushī dāstāñ sunā.egī

hile na hoñT na āñkhoñ ne lab-kushā.ī kī
jabīn-e-husn pe kyuuñ paḌ ga.e haiñ bal pahle

tahzīb ke ḳhilāf hai iz.hār-e-āshiqī
aatā nahīñ hai is liye lab par tumhārā naam

uThtā hai jab tabāhī-e-dil kā kabhī savāl
aa aa ke Thahar jaatā hai lab par tumhārā naam

karam meñ ham ko ġhazab meñ ham ko kiyā jo mumtāz sab meñ ham ko
tumhārī dushnām-o-lab meñ ham ko maza milā zahr-o-añgbīñ kā

lab-e-nāzuk ke bose luuñ to missī muñh banātī hai
kaf-e-pā ko agar chūmūñ to mehñdī rañg laatī hai

is daur-e-nā-shanās meñ ham se arab-nazhād
lab kholne lage to ajam kar diye ga.e

raat hairān huuñ kuchh chup hī mujhe lag ga.ī 'mīr'
dard pinhāñ the bahut par lab-e-iz.hār na thā

girāñ lage hai jo ehsān dast-e-qātil kā
uTh aur teġh ke lab par rag-e-gulū rakh de

chalā hai jānib-e-mai-ḳhāna aaj phir vaa.iz
kahīñ na jaam pe lab apne be-vazū rakh de

udaas kāġhzī mausam meñ rañg o bū rakh de
har ek phuul ke lab par mirā lahū rakh de

dil meñ kasak aur lab par aaheñ aañkh meñ aañsū sar meñ saudā
husn kī duniyā ḳhandāñ ḳhandāñ ishq hai giryāñ apne vatan meñ

kitne shīrīñ haiñ tere lab ki raqīb
gāliyāñ khā ke be-mazā na huā

chūse haiñ us ke misī ālūda-lab
maiñ ne nīlam kā kiyā pokhrāj aaj

soz-e-firāq dil meñ chhupā.e hue haiñ ham
aur lab pe ik sukūt sajā.e hue haiñ ham

uf vo aariz jis ke jalvoñ par fidā mehr-e-mubīñ
aah vo lab jin ko dete haiñ mah o anjum ḳhirāj

abhī fasurda hai saaqī tirā 'tabassum'-e-lab
kisī kī yaad ko le aao mai-kade ke qarīb