Tags-Lab

maslūb āftāb sar-e-shām kyuuñ huā
honā thā hādisa to lab-e-bām kyuuñ huā

nigāh o dil meñ vahī karbalā kā manzar thā
maiñ tishna-lab thī mire sāmne samundar thā

āñkheñ asiir zehn giraftār lab ba-qufl
un ke huzūr ek ishāra na kar sake

kyuuñ na dil-e-ḳhizāñ-nasīb har gul-e-tar ko chuum le
aaj to phuul phuul meñ zā.iqa us ke lab kā hai

na aa.egā lab pe harf-e-matlab na khul sakegī zabān-e-'kaifī'
nigāh-e-hasrat ko tarjumāñ kar ḳhamoshiyoñ ko javāb kar de

aa ga.e lab pe dil-nashīñ naale
jā hī pahuñcheñge ab kahīñ na kahīñ

ḳhushbū kī āvāz sunī
ġhuncha-e-lab ke khilte hī

vahī baat jo vo na kah sake mire sher-o-naġhma meñ aa ga.ī
vahī lab na maiñ jinheñ chhū sakā qadah-e-sharāb meñ Dhal ga.e

zabān roko bahak rahe ho surūr-e-do-shīna josh par hai
mai-e-visāl-e-shab-e-tamannā har ek lab se abhī baham hai

ik baar yuuñ hī dekh liyā thā ḳhirām-e-nāz
phir lab pe naam sarv o saman kā nahīñ rahā

terī bātoñ meñ kyā halāvat thī
ki na lab khul sake shikāyat ke

zabān-e-bosa-e-lab de kar ai yaar
na diide dil ko lalchāyā to hotā

jur.at-e-arz-e-tamannā kā sabab vo ḳhud hue
mehrbāñ dekhā unheñ lab par savāl aa hī gayā

kahāñ vo shoḳh magar apnā nutq-o-lab 'gauhar'
usī kā zikr pa.e-zeb-e-guftugū māñge

detā huuñ apne lab ko bhī gul-barg se misāl
bose jo ḳhvāb meñ tire ruḳhsār ke liye

har ek saañs meñ sargoshiyāñ haiñ nauhoñ kī
kisī bhī lab pe koī jāñ-fazā tarāna nahīñ

zarā chheḌā jo us ne ho ga.ī aisī za-ḳhud-rafta
ki sham-e-bazm ne gul-gīr ke lab par zabāñ rakh dī

kanār-e-āb chale daur-e-jām yā lab-e-kisht
shikār hove bat-e-mai kahāñ nahīñ ma.alūm

kyā karūñ ai tishnagī terā mudāvā bas vo lab
jin laboñ ko chhū ke paanī aag bantā jaa.e hai

karb dil kā mere lab par aa.egā 'manzūr' kyā
maiñ ne ḳhūn-e-dil se kāġhaz par utārā hai use