Tags-Lab

saiñkaḌoñ harf haiñ girah dil meñ
par kahāñ pā.iye lab-e-iz.hār

bhiig jaatī haiñ is ummīd pe āñkheñ har shaam
shāyad is raat vo mahtāb lab-e-jū aa.e

vahī lab-tishnagī apnī vahī tarġhīb-e-sarāb
dasht-e-ma.alūm kī ham āḳhirī had chhū aa.e

ham tirī yaad se katrā ke guzar jaate magar
raah meñ phūloñ ke lab sāyoñ ke gesū aa.e

'momin' vahī ġhazal paḌho shab jis se bazm meñ
aatī thī lab pe jaan zah-o-habbazā ke saath

lab pe lafzoñ ke kañval tum ne sajā.e the agar
to takallum ke jazīroñ se kināra phir kyuuñ

us se kuchh kah ke mujhe zab.h kiyā bātoñ meñ
tez-tar teġh-e-ajal se lab-e-ġhammāz huā

vo bosa-e-lab mujhe ki dushnām
darvesh huuñ kuchh mile bhalā ho

pyaas banūñgā yaar maiñ tere hoñToñ kī
zaḳhmī maiñ tere lab kar ke dikhlā.ūñgā

lab pe mohr-e-ḳhāmushī pahle bhī lagtī thī magar
aah kī ruḳhsat to thī ashkoñ kī arzānī to thī

dard ik jauhar hai paikar se ġharaz rakhtā nahīñ
aañkh meñ aañsū na the lab par ġhazal-ḳhvānī to thī

hauz-e-kausar kā tishna-lab kab hai
is zanaḳhdāñ kī jis ne chaah kiyā

ishq kī tarz-e-takallum vahī chup hai ki jo thī
lab-e-ḳhush-gū-e-havas mahv-e-bayāñ hai ki jo thā

shar.a-o-ā.īn kī ta.azīr ke bā-vasf shabāb
lab-o-ruḳhsār kī jānib nigarāñ hai ki jo thā

qurbāñ kamān-e-abrū-e-maulā pe jaan o dil
gar māh-e-nau kaheñ to hai tashbīh mubtazil

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

ḳhaak uḌtī hai lab-bosī ko taare aañkh ko chhū lete haiñ
qurb kā ḳhvāhāñ mujh se zamāna maiñ tanhā huuñ maiñ tanhā huuñ

aur sar akḌā.e ḳhallāqān-e-ma.anī kī taraf ḳhanda-ba-lab

kyā baat hai kyā baat hai terī lab-e-jāñ-baḳhsh
aisī bhī tire ahd meñ dam khaa.e hue haiñ