Tags-Lab

jab bhī lahū meñ rañg-e-ḳhizāñ kī saḳhtī baḌhne lag jaatī hai
chand lab o ruḳhsār bulā kar jashn-e-bahārī kar lete haiñ

laakh mazmūñ lab-e-iz.hār pe haiñ
aur munājāt nahīñ ho paatī

koī achchhā nahīñ hotā hai barī chāloñ se
lab-e-bām aa ke khaḌe ho na khule bāloñ se

ḳhumār-e-shab meñ tirā naam lab pe aayā kyuuñ
nashe meñ aur bhī the maiñ hī laḌkhaḌāyā kyuuñ

Duubī kashtī jo hamārī lab-e-sāhil 'ḳhālid'
nā-ḳhudā ne nahīñ dekhā ki ḳhudā ne ham ko

zindagī bhar ham lab-e-dariyā rahe
aur sarāboñ kī tarah tishna rahe

koī to hogā sabab tishna-lab huuñ maiñ varna
barahna teġh hai aur chand haath dariyā hai

shāh-rāhoñ pe hamīñ to nahīñ maslūb hue
qatl-e-mahtāb ne ḳhud ko bhī lab-e-bām kiyā

nā-rasā aaheñ mirī auj-e-marātib pā ga.iiñ
dil se niklīñ lab tak aa.iiñ āsmāñ par chhā ga.iiñ

dil meñ jab tak aah thī ik baat thī
lab tak aate hī hikāyat ho ga.ī

ḳhāmosh huuñ maiñ lab pe shikāyat to nahīñ hai
fariyād karūñ ye mirī aadat to nahīñ hai

mil ga.e the ek baar us ke jo mere lab se lab
umr bhar hoñToñ pe apne maiñ zabāñ pherā kiye

ho jahāñ jumbish-e-lab kā bhī na yaarā ai vaa.e
muñh kahāñ ye ki jo vaañ bos-o-kanār aa.e nazar

lab-ba-lab sīna-ba-sīna jise chāheñ vo ho
gulshan-e-zīst kī tab ham ko bahār aa.e nazar

ho ba-sad-rañg shagufta lab-e-dariyā pe vo baaġh
har ravish jis meñ ki bas lutf-e-hazār aa.e nazar

mai-chakāñ lab nazar āvāra nigāheñ gustāḳh
yuuñ mire pahlū se uThā hai ġhazal-ḳhvāñ koī

hurūf-e-makr tire lab pe the magar zālim
mujhe fareb bhī khānā vafā kī raah meñ thā

hikāyat-e-ārzū hai nāzuk zabān kyā ḳhaak kah sakegī
lab-e-ḳhamosh-o-nigāh-e-hasrat se dil kī ham guftugū kareñge

lab-o-ruḳhsār o jabīñ se miliye
jī nahīñ bhartā kahīñ se miliye