Tags-Lab

zulf-o-lab-o-ruḳhsār kisī kā hai merā mauzū-e-suḳhan
tārīkī se nūr-e-nazar tak ek kahānī biich meñ hai

ye mah o nujūm hañs leñ mire āñsuoñ pe 'jālib'
mirā māhtāb jab tak lab-e-bām aa na jaa.e

kahīñ aah ban ke lab par tirā naam aa na jaa.e
tujhe bevafā kahūñ maiñ vo maqām aa na jaa.e

kaun aisā hai jo duniyā kī zabāñ ko roke
maiñ ne maanā ki mire lab pe tirā naam na ho

lab tire kis liye iqrār-e-mohabbat karte
aañkh hī kah ga.ī ai jān-e-vafā kyā kyā kuchh

gar hue vā us ke lab to dekhiye kyā gul khile
ho ḳhafā jab be-tarah vo raunaq-e-bustāñ huā

zer-e-lab aap gungunā.e haiñ
dil meñ lākhoñ ḳhayāl aa.e haiñ

kashish tujh sī na thī tere ġhamoñ meñ
lab-o-lahja magar haañ hū-ba-hū thā

un ke lab par zikr aayā be-hijābāna merā
manzil-e-takmīl tak pahuñchā ab afsāna merā

ham to kahte the ki lab se na lagā sāġhar-e-ishq
mai-e-andoh se ab ham hue sarshār ki tū

tire intizār meñ hai taab ye marīz-e-hijr hai jāñ-ba-lab
kahīñ aa bhī va.ada-ḳhilāf ab ki yahāñ to kaam tamām hai

naam ik but kā lab pe hai vaa.iz
hai yahī vird sub.h o shaam mirā

ik lafz-e-tasallī mire hisse meñ na aayā
ai zauq-e-samā.at lab-e-jānāñ se gila hai

haath kashkol kī tarah paa.e
lab mile ham ko iltijā jaise

shikva-sanjī apnī aadat meñ nahīñ dāḳhil magar
dil dukhā to lab pe harf-e-nāgavār aa hī gayā

mirī āñkhoñ meñ kis kī shoḳhī-e-lab kā tasavvur hai
ki jis ke kaif se āñkhoñ meñ merī niiñd aatī hai

jumbish-e-lab kā gumāñ hotā thā āshiq ko tire
is qadar lutf-e-ḳhamoshī tirī tasvīr meñ thā

thī lahza lahza hijr meñ ik marg-e-nau nasīb
har dam ḳhayāl-e-lab se tire ham jiyā kiye

tashbīh dete haiñ lab-e-jāñ-baḳhsh-e-yār se
ham marte marte nām-e-masīhā liyā kiye

chashm-o-lab guñg haiñ 'alī-yāsir'
sāmne us kā baab dekhtā huuñ