Collections

Lab Shayari

Motivational Ghazals

Best Khamoshi Shayari

More Collections

Tags-Lab

ye kis kī shakl āñkheñ band karte hī nazar aa.ī
ye kis kā naam lab par ḳhud paye afsāna aatā hai

kuchh aisi kaifiyat se saqi-e-mastana aata hai

phir halāvat se chhalakte jaam ḳhālī ho ga.e
phir ġhazal ko aap kī shīrīnī-e-lab chāhiye

yaad ke tyauhaar mein wasl-o-wafa sab chahiye

to phir ham par bhī khultā husn tere āriz-o-lab kā
agar kuchh aur chehre bhī hamāre ḳhvāb meñ hote

jahan hote kisi chashm-e-sitara-yab mein hote

shaam aa.ī to lab-e-la.alīñ kī shoḳhī le kar
mehr bikhrāte hue la.al-e-badaḳhshāñ niklā

mazhab-e-ishq ke irfan pe hairan nikla

jo lab-kushā huuñ to hañgāma-e-bahār huuñ maiñ
agar ḳhamosh rahūñ to sukūt-e-sahrā huuñ

main ek umr ke baad aaj KHud ko samjha hun

jī to be-qarārī se jāñ-ba-lab hai ai nāseh
ko tahammul o tāqat sabr aur shakebā.ī

ek to teri daulat tha hi dil ye saudai

mire kis kaam kā aisā samundar
lab-e-sāhil bhī jis ke tishnagī hai

na samjhe koi us se dushmani hai

ka.ī aks māh-e-tamām the mujhe khā ga.e
vo jo ḳhvāb se lab-e-bām the mujhe khā ga.e

kai aks mah-e-tamam the mujhe kha gae

lab pe ik naam hamesha kī tarah
aur kyā kaam hamesha kī tarah

lab pe ek nam hamesha ki tarah

kuchh lutf-e-suḳhan vaqt-e-mulāqāt nahīñ
lab par tārīf dil pe gar haat nahīñ

kuchh lutf-e-suKHan waqt-e-mulaqat nahin

ab vo mazā nahīñ lab-e-shīrīñ ke qand meñ
chūsā huā hai ye kisī ḳhidmat-rasīda kā

matam bahut raha mujhe ashk-e-chakida ka

kyā tez hai ye mausam-e-bārān-e-suḳhan bhī
labrezī-e-dil kuchh hai navā-ḳhezī-e-lab kuchh

ghar se hamein jaane ki zarurat nahin ab kuchh

qahr to us vaqt TuuTā thā saf-e-a.adā meñ jab
chashm-o-lab se qatl karne vāliyāñ shāmil huiiñ

han usi din dhup mein haryaliyan shamil huin

āñkhoñ meñ āñsuoñ kī tarah tairne lage
bhīge hue ḳhayāl lab-e-jū-e-bār ke

kaise guzar sakenge zamane bahaar ke

kyā dikhā.eñ ḳhushk lab do buuñd ke saaqī haiñ sab
pyaas sahrā-e-azal us ko samundar chāhiye

un ko roz ek taza hila ek KHanjar chahiye

bojhal āñkheñ pathrīle lab ujḌe hue ruḳhsār
sab ke kāñdhoñ par rakkhe haiñ chehroñ ke tābūt

hangamon ke qaht se khiDki darwaze mabhut

tū harf-e-ishq-o-basīrat hai lab na sī apne
zamāna tujh se bhī terā ḳhayāl pūchhegā

udas dekh ke wajh-e-malal puchhega

bazm meñ bulvā.e jaldī ki ik muddat se hai
ishtiyāq-e-zulf-o-ḳhat-o-chashm-o-lab meñ aa.ina

kis tarah aae teri bazm-e-tarab mein aaina

vo boltā thā magar lab nahīñ hilātā thā
ishāra kartā thā jumbish na thī ishāre meñ

wo bolta tha magar lab nahin hilata tha

aa sakā lab tak kisī ke bhī na harf-e-mudda.ā
ham tamannā.ī rahe vo bhī tamannā.ī rahe

mausam-e-gul aa gaya phir dasht-paimai rahe