Tags-Lab

bandisheñ ishq meñ duniyā se nirālī dekheñ
dil taḌap jaa.e magar lab na hilā.e koī

utrā hai kaun aab meñ ye jis ke husn se
hairāñ khaḌe hue ba-lab-e-gañg log haiñ

ham to na la.al-e-lab kā tire bosa le sake
rakhte haiñ ye ḳhayāl jo be-Dhañg log haiñ

ḳhushbū hai chāñdnī hai lab-e-jū hai aur maiñ
kis be-panāh raat meñ tanhā kiyā mujhe

kabhī to aarzī sā ik tabassum lab pe aane de
kabhī to mehrbāñ mujh par mire nā-mehrbāñ ho jā

dikhā.ī de rahe haiñ sāmne vāloñ ke hilte lab
magar vo kah rahe haiñ kyā sunā.ī kyuuñ nahīñ detā

miTā diye be-sutūn charḳh-e-kuhan ne shīrīñ-laqā hazāroñ
magar mohabbat ke lab par ab bhī tarāna-e-kohkan hai baaqī

kitnā achchhā lagtā hai ik aam sā chehra bhī
sirf mohabbat-bharā tabassum lab par laane se

tirā mai-ḳhvār ḳhush-āġhāz-o-ḳhush-anjām hai saaqī
ki dil meñ yaad terī lab pe terā naam hai saaqī

kyuuñ dast-e-hinā.ī dil-āzār se pūchho
rañg-e-gul-e-lāla lab-o-ruḳhsār se pūchho

maiñ chāhtā huuñ ki mere liye mire maulā
lab-e-adū pe bhī harf-e-duā dikhā.ī de

dil-e-be-mudda.ā hai aur maiñ huuñ
magar lab par duā hai aur maiñ huuñ

vo lab-e-jibrīl kā partav hasīñ tarz-e-kalām
qum-be-iznī kā ham e.ajāz-o-adā kal raat ko

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

pī kar sharāb-e-shauq kuuñ behosh ho behosh ho
jiyūñ ġhuncha lab kuuñ band kar ḳhāmosh ho ḳhāmosh ho

ho jaave kamāñ tīr-e-falak bār-e-alam se
sun leve jo tere lab-e-sofār kī āvāz

is lab-e-jāñ-baḳhsh kī bāteñ thiiñ yā
mo.ajazāt-e-īsī-e-gardūñ-maqām

dil sust to lab tishna-e-fariyād rahegā
ab farhat-e-nāshād to nāshād rahegā

gar yahī hai pās-e-ādāb-e-sukūt
kis tarah fariyād lab tak aa.egī

kab talak pīvegā tū tar-dāmanoñ se mil ke mul
ek dam ai ġhuncha-lab ham se kabhī to khil ke khul