Tags-Lab

agar sharar hai to bhaḌke jo phuul hai to khile
tarah tarah kī talab tere rañg-e-lab se hai

kashūd-e-matlab-e-āshiq ke haiñ lab par gumāñ kyā kyā
adā-e-ḳhāmushī meñ bhar diyā rañg-e-bayāñ kyā kyā

lab-e-jāñ-baḳhsh-e-jānāñ kā huuñ kushta
hayāt-e-jāvidāñ hai aur maiñ huuñ

tāqat-e-zabt kahāñ ab to jigar jaltā hai
aah siine se nikal lab pe mire aa.ī hai

koī paiġhām-e-mohabbat lab-e-ejāz to de
maut kī aañkh bhī khul jā.egī āvāz to de

kahte haiñ us ne dekhī thī kal ek jal-parī
har lab pe hai duā ki shanāvar palaT kar aa.e

yuuñ aañkh un kī kar ke ishāra palaT ga.ī
goyā ki lab se ho ke kuchh irshād rah gayā

ḳhad-o-ḳhāl ḳhūbī-āgīñ lab-e-lāl paañ se rañgīñ
nazar āfat-e-dil-o-dīñ mizha sad-muzarrat-afzā

sone ke lab chāñdī ke chehroñ meñ jaḌe haiñ
un se baat na karnā tum ye log baḌe haiñ

nazar jhuk rahī hai ḳhamoshī hai lab par
hayā hai adā hai ki an-ban hai kyā hai

āh-bar-lab chashm-e-pur-nam zard rau
hai pareshānī qayāmat mū-ba-mū

ab ijāzat de ki maiñ huuñ jāñ-ba-lab ai zindagī
maut aatī hai bas ab hadd-e-adab ai zindagī

ki jaise pyaas se lab jal rahe hoñ paanī ke
shikam kī aag se jaltī hai dopahar yūñhī

gulzār-e-jahāñ par na paḌī aañkh hamārī
kotāh thī umr apnī habāb-e-lab-e-jū se

biyā biyā ki tirā tañg dar kanār kushem
ze-bosa-mehr-kunam bar-lab-e-shakar-ālūd

ho ke bismil ārzū-e-guftagū qātil se hai
har dahān-e-zaḳhm naqsha hai lab-e-taqrīr kā

aaj tak āvāz aatī hai dahān-e-gor se
hai ye madfan kushta-e-teġh-e-lab-e-taqrīr kā

phir koī tishna-lab tiir is dasht meñ ham tak aayā hai tai kar ke kitnā safar
ai rag-e-jāñ kī jū-e-ravāñ ham bhī kuchh mehmāñ kī mudārāt karte raheñ

miTTī meñ māhtāb kī ḳhushbū kā bhed thā
kis justujū meñ ham lab-e-bām-e-azal ga.e

ajiib ism thā lab par ki paañv uThte hī
maiñ ḳhud ko dekhtā thā arsh ke kināre par