Tags-Lab

pahuñchā nahīñ gar terā qadam tā-lab-e-dariyā
sāhil se paTak sar ko hai kyuuñ ḳhāk-ba-sar mauj

sher ke lab pe ḳhamoshī likkheñ
harf-e-nā-gufta ko lā-fānī kareñ

bisāt-e-dānish-o-harf-o-hunar kahāñ kholeñ
ye sochte haiñ lab-e-mo'tabar kahāñ kholeñ

bosa to us lab-e-shīrīñ se kahāñ miltā hai
gāliyāñ bhī milīñ ham ko to milīñ thoḌī sī

ab ye paiġhām kisī kā koī le kar jaa.e
abhī lab par hai mire jān-e-hazīñ thoḌī sī

sūkhe lab phīke ruḳhsār aur uljhe uljhe baal
shahroñ meñ bhī mil jaate haiñ vīrāne kyā kyā

saarī raat kahānī sun ke ham to lab na kholeñge
vaise chhup ke hañs bhī leñge vaise tanhā ro leñge

kyuuñ na hoñ āshiq-e-lab-e-jānāñ
chashma-e-āb-e-zindagānī hai

mire sher paḌh kar akele meñ aksar inheñ zer-e-lab gungunātī to hogī
mire naam phir kuchh vo likhne kī ḳhātir qalam be-irāda uThātī to hogī

maqsad-e-zīst, koī ḳhvāb yā ḳhvāhish koii?
ham ne jab sī liye lab apne vo tab pūchhe hai

bol ki lab āzād haiñ tere
bol zabāñ ab tak terī hai

jo āshiq-e-lab-e-be-gūn-e-yār ho farhād
to be-sutūn se bhī jaa.e shīr-e-jū-e-sharāb

yahāñ shajar kā shajar daav par hai nādānoñ
tumhāre lab pe vahī shāḳh-o-barg-o-bār kī baat

sun le faryād-e-'azīz' jāñ-ba-lab
rabb-e-innī mustaġhīso fal-faqra

nigāh-e-yār suuñ hāsil hai mujh kuuñ mai-noshī
lab-e-ḳhamosh ne baḳhshā hai us ke ḳhāmoshī

yuuñ ho agar 'farāz' to tasvīr kyā bane
ik shaam us ke saath lab-e-jū piye hue

dekhe kahīñ mujh ko to lab-e-bām se haT jaa.e
is vaz.a se us kī mirā dil kyūñki na phaT jaa.e

dikhā ke jumbish-e-lab hī tamām kar ham ko
na de jo bosa to muñh se kahīñ javāb to de

ilzām na do tum na.e shā.ir ko 'sa.īd' aaj
jo surḳhī-e-lab rañg-e-hinā bhuul gayā hai

nigah-e-mast ko jumbish na hui go sar-e-bazm
kuchh to is jām-e-labā-lab se abhī chhalkā hai