Tags-Lab

vo rut hai na ab vo ham-navā haiñ
ab nauha-e-ḳhū-garī hī kār-e-lab hai

gar majāl-e-suḳhan nahīñ 'nāsir'
lab-e-ḳhāmosh se gavāhī de

chuum lete haiñ vo ā.īne meñ āñkheñ apnī
lab masīhā.ī kareñge ki haiñ bīmār āñkheñ

yā lab pe lā.iye na pareshāniyoñ kī baat
yā jam.a baiTh kar kabhī shīrāza kījiye

havā.eñ be-ḳhud fazā.eñ be-ḳhud ye ambar-afshāñ ghaTā.eñ be-ḳhud
mizha ne chheḌā hai saaz dil kā vo zer-e-lab gungunā rahe haiñ

maujoñ se ulajhnā kyā tūfān se guzarnā kyā
har Dūbne vaale ko ehsās-e-lab-e-jū hai

bahā kar le gayā tūfāñ javānī
lab-e-sāhil safīna aa gayā hai

sunā hai un ke lab par kal thā zikr-e-muḳhtasar merā
tasavvur de rahā hai tuul isī ko kis qadar merā

jo thā so mauj-e-rañg ke dhoke meñ mar gayā
ai vaa.e nāla-e-lab-e-ḳhūnīñ-navā-e-gul

lab par un kā naam nahīñ hai
chain nahīñ ārām nahīñ hai

mirā dard-e-nihāñ bhī aaj rusvā-e-zamāna hai
ik āh-e-zer-e-lab bhī ban ga.ī dushnām kyā kahiye

vo tishna-lab bhī fareb-e-nazar meñ aa.egā
use bhī DhūñD hī legā sarāb mausam kā

tire lab mere lab ke mā-hasal haiñ
tire sadqe javānī likh rahā huuñ

lab-kushā.ī pe khulā us ke suḳhan se iflās
kitnā ārāsta vo atlas-o-bānāt se thā

mujh ko manzūr nahīñ ishq ko rusvā karnā
hai jigar chaak magar lab pe hañsī hai ai dost

rashk-e-la.al-e-lab-e-lālīñ se jigar-ḳhūñ yāqūt
sharm-e-dandāñ se hai motī kī har ik laḌ paanī

junūñ kī andhī havā ne 'at.har' ḳhamosh ġhurfoñ ko lab diye haiñ
sadā banā hai galī galī meñ mire lahū kā fishār kaise

ruḳhsār-o-lab kī terī na kam hoñgī raunaqeñ
maiñ har ġhazal meñ zikr tirā chhoḌ jā.ūñgā

Dūbne jā.egā shāyad koī māyūs visāl
majma-e-ām sunā hai lab-e-sāhil hogā

maiñ vo tishna-lab huuñ ki sāqiyā hai azal se ḳhushk mirā galā
na zabāñ ko mai kā milā mazā na lab-āshnā hue jaam se