Tags-Lab

kaif meñ ik ''laġhzish-e-pā'' click-e-gauhar-bār kī
''iztirārī ek jumbish sii'' lab-e-guftār kī

lab kuuñ añkhiyoñ kuuñ mukh kuuñ bar kuuñ kamar kuuñ qad kuuñ
in sab ko chāhtā hai TukḌe ho dil baTā hai

zulf sumbul phuul lab ruḳhsār par rañg-e-shafaq
juñbisheñ āñkhoñ kī palkoñ meñ ki paimāna chale

na pūchho abhī haal 'āhan' kā yaaro
kabhī jāñ-ba-lab hai kabhī jāñ-fidā.ī

zulf-o-lab-o-ruḳhsār ke aazar to bahut haiñ
TuuTe hue ḳhvāboñ kā masīhā nahīñ miltā

ham nahīñ minjumla ahl-e-razā kyuuñ kar kaheñ
jin ke lab par qissa-e-ġham ke sivā kuchh bhī nahīñ

mere laboñ ne vo lab bhī chūme haiñ jin meñ marg-e-girāñ nahīñ thī
vo phuul se lab ki jin kī tahdār pattiyoñ meñ

kyā talḳh-kāmiyoñ ne lab-e-zaḳhm sī diye
vo shor-e-ishtiyāq-e-namak-dāñ nahīñ rahā

agar 'sayyad' mire lab par mohabbat hī mohabbat hai
to phir bhī kis liye nafrat kā dhārā saath rahtā hai

vo chehra to chaman hai magar sāneha ye hai
us shāḳh-e-lab se phuul hī jhaḌtā nahīñ koī

khule jo ham to baḌhe ham meñ fāsle kitne
ba-jā-e-shukr karam lab pe the gile kitne

kar ke mas.hūr mujhe chashm-e-karam se pahle
kar diyā mohr-ba-lab us ne sitam se pahle

naġhma-e-shauq ḳhuub thā ek kamī hai mutriba
shola-e-lab kī ḳhair ho soz-e-darūñ bhī chāhiye

duur rahtā hai magar jumbish-e-lab bos-o-kanār
Dūbtā rahtā hai dariyā meñ kinārā kyā kyā

haañ nukta-varo laao lab-o-dil kī gavāhī
haañ naġhmagaro sāz-e-sadā kyuuñ nahīñ dete

jab tak ki mohabbat kā chalan aam rahegā
har lab pe mirā zikr mirā naam rahegā

nikle the tīrgī ke musalsal fareb se
jab raushnī milī to hameñ jāñ-ba-lab milī

mujh ko tirī jafā kā to shikva nahīñ magar
aatī hai yuuñ hī lab pe shikāyat kabhī kabhī

ab bhī fariyād-ba-lab hai ki nahīñ rāñda-e-ishq
vo hī be-chārgī-e-dil-zadagāñ hai ki nahīñ

maiñ vo sāġhar nahīñ aa.e kabhī lab tak jo 'riyāz'
kis ko miltā hai tire rañg-e-hinā kā bosa