Tags-Lab

rañg uḌ jaa.e jo minqār-e-anā dil chhū le
hai garāñ gul ko lab-e-mauj-e-sabā kā bosa

na.ī tīr-e-lab-e-ma.ashūq ne kī raḳhna-pardāzī
tasallut to kiyā dil meñ huā nāsūr pahlū meñ

ḳhūgar-e-nāz huuñ kis kā ki mujhe sāġhar-e-mai
bosa-e-lab nahīñ be-chashm-numā.ī detā

lab hilāne nahīñ paatā vo ki ham nādīda
bas vahīñ baat ke āġhāz meñ mar jaate haiñ

tishna-lab aur bhī ā.eñge yahāñ merī tarah
kaun degā unheñ jiine kī duā mere ba.ad

lab pe kāñToñ ke hai fariyād-o-bukā mere baad
koī aayā hī nahīñ ābla-pā mere baad

sab khiḌkiyāñ khulī haiñ magar habs hai bahut
jaañ lab pe aa chukī hai havā chāhiye mujhe

pāniyoñ ne bil-āḳhir resha resha kar Daalā
aks-reziyāñ kab tak karte jāñ-ba-lab chehre

vo jis ke sāmne khulte nahīñ haiñ lab mere
usī ko sher sunānā hai kyā kiyā jaa.e

qumquma hai ki lab-e-bām liye baiThī hai
tīrgī apnī hathelī pe ujāle kī Dalī

mire fikr-o-fan tirī anjuman na uruuj thā na zavāl hai
mire lab pe terā hī naam thā mire lab pe terā hī naam hai

har ik faqīr ke lab par ye nāra-e-mastān
chale chalo adab-o-izz-o-imtiyāz ke saath

is tarah se laaj rakh lī ham ne 'asġhar' pyaar kī
rote rote aa ga.ī lab par hañsī achchhā huā

ham bhī do ik sher le chalte haiñ tere chashm o lab se
phuul bhī ḳhushbū tujhī se maañg ke le jā rahe haiñ

gosh-e-behosh vo kyā jis ne ki hañgām-e-navā
koī naala hī lab-e-nai se nikaltā na sunā

ham-nashīñ pardagi-e-rāz ise kahte haiñ
lab-e-sāġhar se kisī rind kā charchā na sunā

sabz shāḳhoñ par sunahre phuul se khilne lage
lab-ba-lab mausam-asar aisī duā rakhtā hai kaun

kyā hue āshiq us shakar-lab ke
taane sahne paḌe hameñ sab ke