Tags-Lab

har raushnī kī buuñd pe lab rakh chukī hai raat
baḌhne lage zamīñ kī taraf tīrgī ke haat

me.ār-e-adab bhī Thahre sadā ho ahl-e-jahāñ ke lab par bhī
taḳhlīq ġhazal kar aisī ik ho shaad ki jis par yazdāñ bhī

kabhī rahā mire lab tak kabhī vahāñ pahuñchā
ye naala merā rasā aur nā-rasā bhī hai

bāteñ sunvā.īñ lab-e-ḳhāmosh ne
varna ham dete use kyā kyā javāb

dil kā us kunj-e-lab se de hai nishāñ
baat lagtī to hai Thikāne kī

kuchh na kahte hue rakhtā hai asar kahne kā
in havāoñ kā lab-o-lahja tilsmātī hai

javāb kyūñkar dalīl kis ko
hamāre lab pe savāl Thahrā

aañkh ke bādal se kahtā hai ki duniyā par baras
dil lab o ruḳhsār kī sho.ala-fishānī dekh kar

tumhārā naam kisī ajnabī ke lab par thā
zarā sī baat thī dil ko magar lagī hai bahut

milā to hai koī bint-e-inab sā lab lekin
hamāre shahr meñ mamnua hai kashīd is kī

dī duhā.ī tirī rahmat kī gunahgāroñ ne
lab-e-vā.iz pe jūñhī nām-e-jahannam aayā

phir chalī hai rail station se lahrātī huī
nīm-shab kī ḳhāmushī meñ zer-e-lab gaatī huī

kamar ko gardan ko dast-o-lab ko visāl meñ lutf de rahā hai
shabāb-e-zānū shabāb-e-bāzū shabāb-e-sīna shabāb-e-āriz

marmarīñ jism kā charchā lab-o-ruḳhsār kī baat
merī koī to ġhazal un kā sarāpā hogī

jabīñ ko chain kahāñ zer-e-lab duā hai bas
talab kī chaah kā ik tū hī aasrā hai bas

lafz aate hī mire lab pe laraz jaate haiñ
hāl-e-dil sunte haiñ ab vo kisī afsar kī tarah

us ke lab ko mire lab rah ga.e chhūte chhūte
maiñ bhī nākām chalā aayā sikandar kī tarah

muusā faqat na the tire ā.īna-dāroñ meñ
iisā bhī karte the lab-e-mojiz-numā kā kaam

jame hue lab-o-ruḳhsār bhī dahak rahe the
hisār-e-mausam-e-barfāb meñ hasīñ thī aag

lab ho kisī bahār-e-muambar se bosa-yāb
aur us ke shukr meñ koī hoñToñ kā jaam ho