Tags-Lab

siine meñ jo de kāñToñ ko bhī jā us gul kī latāfat kyā kahiye
jo zahar piye amrit kar ke us lab kī halāvat kyā kahiye

ai saañs kī ḳhushbū lab-o-āriz ke pasīne
kholā thā mire dost ne bistar isī ghar meñ

tishna-lab aise ham gire mai par
ki kabhī sair-e-īd-gāh na kī

duur daur-e-lab-e-jānāñ hai ajab kyā 'joshish'
mai-kade shahr ke hove jo ḳharāb aaj ke din

dil sard ho to vā lab-e-guftār kyā kareñ
mansūr kyā baneñ havas-e-dār kyā kareñ

bhalī lage to ise gungunā bhī ai lab-e-yār
mirī ġhazal pe faqat harf-e-dād ban ke na aa

mujhe shikāyat-e-talḳhī-e-zahar-e-ġham kab hai
mire laboñ pe abhī kaif-e-shakkr-e-lab hai

maiñ chup huā to use bolnā hī thā ik din
vo zinda harf lab-e-dār se nikal aayā

sau halāvat dil mirā paatā hai ishq
lab-shakar kī ek mīThī baat se

kaun hotā hai harīf-e-mai-e-mard-afgan-e-ishq
hai mukarrar lab-e-sāqī pe salā mere ba.ad

jis ke ek ik harf-e-shīrīñ kā asar hai zahr-āgīñ
kyā hikāyat likh ga.e mere laboñ par us ke lab bhī

lafz par mafhūm us lamhe kuchh aisā multafit hai
jaise az-ḳhud ho ināyat bosa-e-lab be-talab bhī

aag matlūb-e-lab-e-tishna hai
maiñ tujhe kaise bulā luuñ paanī

kisī lab pe harf-e-sitam to ho koī dukh supurd-e-qalam to ho
ye bajā ki shahr-e-malāl meñ koī 'faiz' hai koī 'mīr' hai

dostoñ kī bazm meñ kuchh soch kar lab sī liye
varna dāmān-e-tasavvur meñ haiñ taqrīreñ bahut

dil hai dozaḳh meñ kuchh is tarah tabassum-bar-lab
jaise kāñToñ meñ koī phuul khilā hotā hai

zindagī kā kyā hasīñ anjām hai
dil meñ terī yaad lab par naam hai

zindagī se mirī is tarah mulāqāt huī
lab hile aañkh milī aur na koī baat huī

na pūchh daur-e-haqīqat kī saḳhtiyoñ ko na pūchh
taras ga.e lab-e-afsāna-go ko afsāne

munkir-e-mai thā shaiḳh kal aaj ye haal hai ki hai
jām-ba-dast-o-ḳhum-ba-sar shīsha-ba-lab-o-ba-dosh