Tags-Lab

ġhāza ba-rū misī ba-lab paan ba-dahan hinā ba-kaf
silk-e-durr-e-adan basar turra-e-ambarīñ ba-dosh

mere lab par savāl aayā hai
terī āñkheñ javāb ho jaa.eñ

mastī-e-shauq sambhalne nahīñ detī 'ishqī'
jaam lab tak nahīñ aatā ki chhalak jaatā hai

aur duniyā meñ kahīñ terā Thikāna hī nahīñ
ai mire dil kī tamannā lab-e-ḳhāmosh meñ aa

lab-e-furāt rahe pyāse vāris-e-zamzam
shikār akelā nahīñ maiñ hī tishna-kāmī kā

tū jafā meñ mast hai roz-o-shab maiñ kafan-ba-dosh ġhazal-ba-lab
tire ro.ab-e-husn se chup haiñ sab maiñ bhī chup rahūñ to mazā hai kyā

lab-e-jū sāqiyā yuuñ hī musalsal daur-e-paimāna
ki zor-e-gardish-e-charḳh-e-kuhan kī āzmā.ish hai

control us ke lab-e-shīrīñ pe gar yuuñ hī rahā
khāñD kā sharbat nasīb-e-dushmanāñ ho jā.egā

kahne detī nahīñ kuchh muñh se mohabbat merī
lab pe rah jaatī hai aa aa ke shikāyat merī

agar un ke lab par gilā hai kisī kā
to bejā bhī shikva bajā hai kisī kā

jo hotā hai to bas itnā ki lafzoñ kā bharam TuuTe
suḳhan aatā hai akasr tā-ba-lab kuchh bhī nahīñ hotā

qayāmat sī guzartī hai qayāmat aa nahīñ jaatī
koī be-jān ho yā jāñ-ba-lab kuchh bhī nahīñ hotā

kabhī the mehrbāñ mausam kabhī sāvan barastā thā
aur ab dhartī hai saarī tishna-lab kuchh bhī nahīñ hotā

paḌh rahe the vo lab-e-hūr hamārā qissa
yuuñ hī thoḌī huā mash.hūr hamārā qissa

muñh ko aa jaatā hai jigar ġham se
aur gila tā-ba-lab nahīñ aatā

mere lab tak tire taġhāful kī
baat aa.ī magar kahī to nahīñ

aaj ham kyuuñ na kaheñ mohr-ba-lab kyuuñ rah jaa.eñ
mai-kade meñ baḌī mushkil se rasā.ī huī hai

tishna sahbā-e-vasl kā terī
hashr ko ḳhushk-lab zamīñ se uThā

ḳhushk-lab lauTe haiñ kyuuñ sahrā-navard
rāste meñ kyā sarāb aayā nahīñ

ruup se chhab se phaban se koī āgāh nahīñ
naqsh-kār-e-lab-o-āriz haiñ sañvarne vaale