Tags-Lab

vo ḳhunuk chāndnī rāteñ vo fazā aap aur maiñ
aur vaade vo lab-e-gañg-o-jaman yaad nahīñ

tujh bin na kar sake mai-e-ishrat se halq tar
ḳhūñ-nāb-e-ġham se lab tirā āshiq na ho sake

sāmrī chashm-e-fusūñ-gar kī fusūñ-sāzī se
lab-e-jāñ-baḳhsh ke hone se masīhā hai vo ruḳh

uf vo āñkheñ marte dam tak jo rahī haiñ ashk-bār
haa.e vo lab umr bhar jin par hañsī dekhī nahīñ

ab to har zaḳhm kī muñh-band kalī
lab-e-iz.hār huī jaatī hai

haa.e vo us kā mauj-ḳhez badan
maiñ to pyāsā rahā lab-e-jū bhī

naḳhīl-e-zīst kī chhāñv meñ nai-ba-lab tirī yaad
fasīl-e-dil kī kalas par sitāra-jū tirā ġham

lab pe ik naam hamesha kī tarah
aur kyā kaam hamesha kī tarah

jaane kis dahshat kā saaya us ko mohr-e-lab huā
Dar rahā hai vo mujhe khul kar sadā dete hue

la-e-zard par
koī hamd hai ki gila

nazar ne kī nazr-e-rūh-o-dil pesh-e-lab pe shor-e-fuġhāñ se pahle
adā huā sajda-e-mohabbat ḳharosh-e-bāñg-e-azāñ se pahle

mohabbat meñ haiñ sabr-o-shukr ke har-chand ham qaa.il
magar kuchh kuchh kabhī lab par shikāyat aa hī jaatī hai

nafrat jo hai dil meñ lab-e-ḳhandāñ meñ nahīñ hai
jo baat hai mazmūñ meñ vo unvāñ meñ nahīñ hai

sabā guftār shīrīñ lab sitāra chashm haiñ to kyā
badalte ham bhī haiñ jab sāmne vaalā badaltā hai

kab lazzatoñ ne zehan kā pīchhā nahīñ kiyā
ye merā hausla thā ki lab vā nahīñ kiyā

kyā vahm thā ki khilte hī lab band ho ga.e
kyā baat thī ki lafz bhī puurā nahīñ kiyā

kyuuñ nahīñ miltā abhī tak tishna-lab haiñ bāda-ḳhvār
kyā tirā sāġhar bhī saaqī jām-e-kausar ho gayā

us lab-e-jāñ-baḳhsh kī hasrat ne maarā jaan se
āb-e-haivāñ yaman-e-tāle.a se mire sam ho gayā

kar dete haiñ yuuñ harza-darā ko kamlā-band
lab zaḳhm ke jis tarah mileñ baḳhiya-garī se

judā hai ne.mat-e-duniyā se lazzat bosa-e-lab kī
vo jogī ho gayā jis ne ye mohan bhog chakkhā hai