Tags-Adoo

bane jo aur bigaḌ jaa.e hai mirī taqdīr
bigaḌ bigaḌ ke bane jo adū kī qismat hai

yahīñ se mere adū kā ḳhamīr uTThā thā
zamīn dekh ke maiñ teġh-e-be-niyām huā

gautam ne us ko rakh ke nazar meñ girā diyā
lekin adū kī izzat-o-tauqīr kar chuke

vaqt-e-payām vasl vo kahte haiñ ho chukā
shāyad adū se vasl kī tahrīr kar chuke

gudāz karte haiñ mere dil ko vo yuuñ biThāte haiñ apnā sikka
jalī kaTī ho rahī hai kyā kyā adū se mujh ko sunā sunā kar

kahīñ na zulfoñ se khul paḌā ho mujhe hai andesha apne dil kā
ki purze purze uḌā rahā thā adū koī shai dikhā dikhā kar

vatan-parastī hamārā maz.hab haiñ jism-o-jāñ mulk kī amānat
kareñge barpā qahr adū par rahegā daa.im vatan salāmat

na jalā ḳhāna-e-adū to na hañs
shola-e-āh hai sharār nahīñ

jo tumhārī maan leñ nāsehā to rahegā dāman-e-dil meñ kyā
na kisī adū kī adāvateñ na kisī sanam kī muravvateñ

tab qatl-gah meñ qatl-e-udū ko chale haiñ vo
merā lahū milā ke piyā jab sharāb meñ

maiñ gū-magū meñ hī tire dar se palaT gayā
āvāz dostoñ kī thī lahja adū kā thā

kaheñ adū na kaheñ mujh ko dekh kar muhtāj
ye un ke bande haiñ jin ko karīm kahte haiñ

sāzisheñ ham ko Dubone kī rachātā hai adū
ai 'zakī' kah do ki haiñ ḳhuub shanāvar ham log

fā.eda kyā aisī shirkat se adū kī bazm meñ
tum udhar dekhā kiye aur ham udhar dekhā kiye

hamāre siine ke ye zaḳhm bhar ga.e haiñ to kyā
udū ke tiir udū kī kamāñ salāmat hai

ḳhūbi-e-baḳht ki paimān-e-adū
us ko hañgām-e-qasam yaad aayā

aa gayā 'jauhar' ajab ulTā zamāna kyā kaheñ
dost vo karte haiñ bāteñ jo adū karte nahīñ

qadr kam hotī hai taqsīm jo hotā hai adū
hāsil-e-jam.a meñ barakat hai barābar baaqī

ek saf hoñ to baneñ siisa pilā.ī dīvār
hoñ adū ke liye rāheñ na kahīñ dar baaqī

karte jo mujhe yaad shab-e-vasl adū tum
kyā sub.h ki ḳhurshed na tā-shām nikaltā