Tags-Mahroomi

baḌh gayā hai is qadar ehsās-e-mahrūmī 'shakeb'
log apnī zaat se kaT kar guzar karne lage

ḳhamoshī ek majbūrī takallum ek mahrūmī
kisī se kah nahīñ sakte magar kahnā hī paḌtā hai

ye bhī ik rañg hai shāyad mirī mahrūmī kā
koī hañs de to mohabbat kā gumāñ hotā hai

jam.a kar kar ke apnī mahrūmī
ban gayā kis qadar amiir huuñ maiñ

ḳhud tum ne āġhāz kiyā thā jis kā ek tabassum se
mahrūmī ke aañsū ban kar ḳhatm pe vo afsāna hai

vaa.e mahrūmi-e-taslīm-o-badā hāl-e-vafā
jāntā hai ki hameñ tāqat-e-faryād nahīñ

maiñ vo bosīda sā pairāhan huuñ jo pahnā gayā thā ek baar
mujh ko mahrūmī kī khūñTī par laTakte dekhtā rahtā hai vo

ilm ke dariyā se nikle ġhota-zan gauhar-ba-dast
vaa.e mahrūmī ḳhazaf chain lab sāhil huuñ maiñ

vo mujh ko sauñp gayā manziloñ kī mahrūmī
jo har qadam pe mire saath saath chaltā thā

mahrūmī kā ehsās mujhe kis liye hotā
hāsil hai jo mujh ko kahāñ duniyā ko baham hai

ābla-pā.ī hai mahrūmī hai rusvā.ī hai
us but-e-nāz kā dil phir bhī tamannā.ī hai

ye mahrūmī to apnī bebasī hī kī mukāfī hai
sila kuchh aur honā chāhiye thā nā-subūrī kā

pyaar ko pā kar jo mahrūmī huī
kuchh hamāre dil kī majbūrī huī

itnī ifrāt aisī mahrūmī
dene vaale mo.āmla kyā hai

mahrūmī kā ehsās rahā us se na mil kar
milne pe ye ehsās magar aur sivā thā

mahrūmī kī tasvīreñ bhī kitnī dil-kash hotī haiñ
thak kar sone vaale ko har ḳhvāb sunahrā lagtā hai

beTī kī zid ke aage maañ chup ho jaatī hai lekin
nañge sar kī mahrūmī par āñchal rone lagtā hai

dil-e-tanhā meñ ab ehsās-e-mahrūmī nahīñ shāyad
tirī duurī bhī ab dil ke liye duurī nahīñ shāyad

apnī mahrūmī kā maiñ kyuuñ kar karūñ shikva batā
jāntā huuñ raat kā hotā koī saayā nahīñ

raag meñ aag dabī hai ġham-e-mahrūmī kī
raakh hokar bhī ye shola hameñ sulgā.egā