Collections

Lab Shayari

Motivational Ghazals

Best Khamoshi Shayari

More Collections

Tags-Mahroomi

zahe qismat ki us ko dard-e-mahrūmī pasand aayā
mohabbat aish-e-do-ālam ko Thukrātī huī aa.ī

munawwar ho ke kitni dastan-e-ashiqi aai

ajab collage hai qismat kā mahrūmī kā mehnat kā
sitāre chhat pe rakkhe haiñ thakan bistar pe rakkhī hai

khuli jab aankh to dekha ki duniya sar pe rakkhi hai

merī mahrūmī bhī rusvā hai ki 'fānī' hāl-e-dil
un ke kānoñ tak na pahuñchā aur fasānā ban gayā

dil ki kaya gham ne wo palTi ki tujh sa ban gaya

vaa.e us zindagī kī mahrūmī
maut bhī umr-bhar nahīñ aatī

misl-e-raqs-e-sharar nahin aati

mahrūmī ke dukh aur tanhā.ī ke rañj uThā.e
lekin ham ko aaj bhī jhūTā pyaar na karnā aa.e

mahrumi ke dukh aur tanhai ke ranj uThae

ye mohabbat hai ki ehsās hai mahrūmī kā
merī āñkhoñ meñ bahut kuchh hai zabānī kam hai

kaun kahta hai ki dariya mein rawani kam hai

ye bazm-e-mai hai yaañ kotāh-dastī meñ hai mahrūmī
jo baḌh kar ḳhud uThā le haath meñ miinā usī kā hai

ye dil-jami jiye jab tak jiye jina usi ka hai

terī ma.asūmī ke sadqe merī mahrūmī kī ḳhair
ai ki tujh ko sūrat-e-ārām-e-jāñ samjhā thā maiñ

ek rahzan ko amir-e-karwan samjha tha main

pā lene kī ḳhvāhish se mohtāt raho
mahrūmī kī bīmārī lag jaatī hai

sare bhule bisron ki yaad aati hai

tābīr thī apnī bhī vahī ḳhvāb-e-safar kī
afsāna-e-mahrūmi-e-manzil bhī vahī thā

ye baat alag hai mera qatil bhi wahi tha

ik samt musalsal ummīdeñ ik samt musalsal mahrūmī
kab tak ye uThe bār-e-hastī shāne haiñ ki TuuTe jaate haiñ

aankhon mein haya aa jati hai honTon pe tabassum late hain

zar kā banda ho ki mahrūmī kā maarā huā shaḳhs
jis ko dekho vahī auqāt se niklā huā hai

yaad aur gham ki riwayat se nikla hua hai

āh-e-jāñ-soz kī mahrūmi-e-tāsīr na dekh
ho hī jā.egī koī jiine kī tadbīr na dekh

aah-e-jaan-soz ki mahrumi-e-tasir na dekh

vo degā ruuh ko nām-o-nasab kī mahrūmī
badan kī Dor se rishte bahut piro.egā

siyah dil mein safedi ke bij boega

vo mahrūmī kā josh-e-ḳhvāb-parvar ab kahāñ baaqī
bar aa.iiñ itnī ummīdeñ ki armānoñ ke dil TuuTe

kahan ka sabr sau sau bar diwanon ke dil TuTe

har qadam pe nākāmī har qadam pe mahrūmī
ġhāliban koī dushman dostoñ meñ shāmil hai

unki be-ruKHi mein bhi iltifat shamil hai

mubārak ho tujhe sad-āfrīñ ai shān-e-mahrūmī
tire pahlū meñ aa ke ghar-grihastī chhoḌ detā huuñ

main rang-e-asman kar ke sunahri chhoD deta hun

yuuñ bhī hotā hai mudāvā-e-ġham-e-mahrūmī
jabr-e-sayyād bhī hai hasrat-e-parvāz bhī hai

jalwa paband-e-nazar bhi hai nazar-saz bhi hai

mahrūmī ne ḳhvāboñ kā
jhulas diyā hai chehra bhī

jangal bhi the dariya bhi

terī mahrūmī use jo bhī kahe lekin 'jamīl'
ġhair se us ne vafā kī bevafā kyūñkar huā

ghaur to kije ki ye sajda-rawa kyun kar hua