Tags-Mahroomi

bas ek baar manāyā thā jashn-e-mahrūmī
phir is ke ba.ad koī ibtilā nahīñ aa.ī

na jaane kaisī mahrūmī pas-e-raftār chaltī hai
hamesha mere aage aage ik dīvār chaltī hai

dard hamārī mahrūmī kā tum tab jānoge
jab khāne aa.egī chup kī saa.eñ saa.eñ tumheñ

bas ek baar manāyā thā jashn-e-mahrūmī
phir us ke baad koī ibtilā nahīñ aa.ī

haa.e kyā chiiz hai mahrūmī-o-ġham kā rishta
mil ga.e ziist ke har moḌ pe ġham-ḳhvār bahut

na jaane kaisī mahrūmī pas-e-raftār chaltī hai
hamesha mere aage aage ik dīvār chaltī hai

ye mahrūmī nahīñ pās-e-vafā hai
koī tere sivā dekhā na jaa.e

ek sarāpā mahrūmī kā naqsha tū ne khīñch diyā
talḳhī kī zahrāb chamak bhī hai kuchh chashm-e-savālī meñ

shāyad kisī mahrūmī kā iz.hār huā hai
mazmūn mohabbat ke jo sheroñ meñ dhar aa.e

le isī zulmat-kade meñ us se mahrūmī kī daad
us se aage ai dil-e-muztar hijāb-e-nūr hai

jab shikāyat kī kabīda-ḳhātirī hāsil huī
sabr-e-mahrūmī mirā harf-e-duā sābit huā

ajiib shai hai haqīqat meñ soz-e-mahrūmī
fuġhāñ talāsh-e-asar meñ rahe to achchhā hai

kyuuñ na chāhūñ ki har ik haath meñ paimāna ho
yaas o mahrūmī o majbūrī ik afsāna ho

mahrūmī ne jahāñ baserā DhūñD liyā hai
mujh ko to vo ghar bhī apnā ghar lagtā hai

zindagānī meñ sabhī rañg the mahrūmī ke
tujh ko dekhā to maiñ ehsās-e-ziyāñ se niklā

kaun hai jis kī mahrūmī ke daaġh haiñ us ke siine meñ
kaun hai jis ke ḳhvāboñ kī ik duniyā maiñ ne sajā.ī hai

'imām' aa.eñ zarā us bazm tak vo
jinheñ ehsās-e-mahrūmī nahīñ hai

ġhulāmī kyā hai zauq-e-husn-o-zebā.ī se mahrūmī
jise zebā kaheñ āzād bande hai vahī zebā

'farāz' daulat-e-dil hai matā-e-mahrūmī
maiñ jām-e-jam ke evaz kāsa-e-gadā.ī na duuñ

mahrūmī kā jashn manā.eñgī āñkheñ
phir elān-e-shab-bedārī hotā hai