Tags-Mahshar

qabr meñ rāhat se so.e the na thā mahshar kā ḳhauf
ba.az aa.e ai masīhā ham tire e.ajāz se

sar-e-mahshar agar pursish huī mujh se to kah dūñgā
sarāpā jurm huuñ ashk-e-nadāmat le ke aayā huuñ

zamīñ par shor-e-mahshar roz o shab hotā hī rahtā hai
ham apne giit gaa.eñ ye to sab hotā hī rahtā hai

laraz rahe haiñ satāne vaale ḳhudā ke aage ka.ī haiñ naale
gurez un se karegā mahshar ye vo qayāmat bapā kareñge

kaho kis tarah hoñ qaa.il sukūn-e-qalb-e-muztar ke
zarā jumbish huī paidā hue āsār mahshar ke

falak ne jis qadar paidā kiye andāz mahshar ke
karishme haiñ vo sab terī adā-e-fitna-parvar ke

mahshar meñ bhī vo ahd-e-vafā se mukar ga.e
jis kī ḳhushī thī ab vo qayāmat nahīñ rahī

roz-e-mahshar jo mirī daad kī naubat aa.ī
ye ga.ī vo ga.ī kab haath qayāmat aa.ī

tirā kushta uThāyā aqrabā ne
chale mahshar ko miTTī meñ dabāne

tire chalne se siine meñ zamīñ ke
uThā ik dard mahshar ke bahāne

nāla-e-dil kī sadā dīvār meñ hai dar meñ hai
suur yā mahshar meñ hogā yā hamāre ghar meñ hai

ahl-e-mahshar le ga.e qahr-o-ġhazab sab luuT kar
sirf ik rahmat ḳhudā kī rah ga.ī mere liye

hai aadmī bajā.e ḳhud ik mahshar-e-ḳhayāl
ham anjuman samajhte haiñ ḳhalvat hī kyuuñ na ho

dil kā mo.āmla vahī mahshar vahī rahā
ab ke baras bhī raat kā muntazir vahī rahā

shor-e-mahshar uThā har samt se mai-ḳhāne meñ
jaane kyā Daal diyā saaqī ne paimāne meñ

jagah miltī nahīñ jis ko shab-e-ġham mahshar-e-dil meñ
vo hañgāma lab-e-ḳhāmosh meñ ābād hotā hai

balā-e-mahshar bhī sahal un ko azāb-e-dozaḳh bhī un ko āsāñ
jo terī ulfat meñ apne dil par ġham-e-judā.ī uThā chuke haiñ

mahshar bhī koī dard hai jo uTh ke rah gayā
shikva bhī koī ġham hai jo dil meñ nihāñ rahā

maiñ jo majzūb-e-azal thā na ga.ī mahviyyat
sub.h-e-mahshar se mirā chaak garebāñ na huā

jo chhīñTeñ uḌ kar paḌīñ ḳhudāyā vo aur mahshar kareñgī barpā
hai merī gardan par aur ulTā ye ḳhuun qātil kī āstīñ kā