Tags-Mahshar

sab se aage hai gunahgāroñ kī saf mahshar meñ
qābil-e-nāz mirā dāman-e-tar hai ki nahīñ

juuñ musht-e-sipand mire a.azā jal dil ke añgāre se uḌte haiñ
dāġhoñ kā mahshar ek taraf nāloñ kī qayāmat ek taraf

dil-e-nādāñ koī mahshar na uThānā is vaqt
aa rahā hai mirī bātoñ meñ zamānā is vaqt

ye kahiye ki dhyān us ko aatā hī nahīñ varna
mahshar se to sau fitne vo dam meñ uThā jaatā

tamām ḳhaliyoñ meñ aksar sunā.ī detā hai
har ik jahān meñ mahshar sunā.ī detā hai

mujh ko ai pīr-e-muġhāñ mohtasib-e-nā-hanjār
qurb-e-mahshar hai ki be-qurbī se bulvā.e qarīb

mahshar bapā hai band haiñ kushtoñ ke rāste
qad baaḌh par hai baaḌh hai teġh-e-nigāh par

Thaan rakkhī hai ki dil kī baat kahnī hai zarūr
us kī ḳhātir ḳhvāh mahshar hī uThā denā paḌe

milegī shaiḳh ko jannat, hameñ dozaḳh atā hogā
bas itnī baat hai jis ke liye mahshar bapā hogā