Tags-Mahshar

qarīb hai yaaro roz-e-mahshar chhupegā kushtoñ kā ḳhuun kyūñkar
jo chup rahegī zabān-e-ḳhanjar lahū pukāregā āstīñ kā

sub.h-e-kāzib se shām-e-sādiq tak
ek mahshar bapā hai umr ke saath

mujh se nikal ke jā.egā qātil mirā kahāñ
ik din to mere sāmne mahshar meñ aa.egā

kal arsa-e-mahshar meñ jab aib khuleñ mere
rahmat tirī phailā de dāmān-e-ḳhatā-poshī

ushshāq ke marqad par hasrat yahī kahtī hai
tum fitna-e-mahshar ho sotoñ ko jagā jaanā

ai javānān-e-vatan ruuh javāñ hai to uTho
aañkh us mahshar-e-nau kī nigarāñ hai to uTho

shor-e-mahshar se hai parvā mujhe kyā ai vaa.iz
jab ki ham-rāh liye dil sā ḳhalal jā.ūñgā

ye bhī kyā chaal hai har gaam pe mahshar kā gumāñ
pā.eleñ bajtī haiñ lahñge kī kamāñ tantī hai

lagtā hai in dinoñ ke hai mahshar-ba-kaf havā
haiñ sar-ba-kaf charāġh to ḳhanjar-ba-kaf huā

ghar kī dīvāroñ ko ham ne aur ūñchā kar liyā
shor-e-sad-e-mahshar sunā aur ḳhud ko bahrā kar liyā

har samt ehtijāj kī āvāz mar ga.ī
kis ḳhāmushī ke saath ye mahshar bapā huā

sukūñ kī jannateñ dozaḳh nahīñ aziyyat kā
ajiib haal huā āgahī ke mahshar se

un ke kūche meñ bapā fitna-e-mahshar na kare
shab-e-tārīk meñ kyā shor machānā dil kā

har zarra meñ har phuul meñ ā.īna paḌā hai
har samt tire aks kā mahshar sā bapā hai

muzhda-e-jannat-e-visāl hai maut
zindagī mahshar-e-judā.ī hai

karegī dāvar-e-mahshar ko sharmsār ik roz
kitāb-e-sūfī-o-mullā kī sāda-aurāqī

sunñe ko bhiiḌ hai sar-e-mahshar lagī huī
tohmat tumhāre ishq kī ham par lagī huī

palkoñ pe tairte hue mahshar tamām-shud
āñkheñ khulīñ to ḳhvāb ke manzar tamām-shud

pūchhte ho mire ash.ār meñ kyā rakkhā hai
ek mahshar hai ki lafzoñ meñ chhupā rakkhā hai

ye log shab-e-hijr bilakhte the jo behad
mahshar se guzar aa.e hai ḳhāmosh ai jaanā