Tags-Mahshar

har qadam par shor-e-mahshar hai bapā
piste haiñ dil aap kī raftār se

sulāyā kis ne gale lagā kar ki suur bhī thak gayā jagā kar
bapā hai aalam meñ shor-e-mahshar mujhe jo dekho to ḳhvāb meñ huuñ

murattab ho ke ik mahshar ġhubār-e-dil se niklegā
nayā ik kārvāñ gard-e-rah-e-manzil se niklegā

zohd-e-zāhid hai ḳhauf-e-mahshar suuñ
taab nāmard kuuñ kahāñ ran kā

pakḌo mirī zabān to sūrat se hoshiyār
kholegī raaz ye sar-e-mahshar kahe baġhair

roz-e-mahshar to na thā shām-e-mulāqāt thī vo
yuuñ hue be-sar-o-sāmān ki jī jāntā hai

har zaḳhm-e-jigar dāvar-e-mahshar se hamārā
insāf-talab hai tirī bedād-garī kā

garebāñ-chāk lākhoñ haath se us mehr-e-tal.at ke
ba-rañg-e-sub.h-e-mahshar arsa-e-mahshar meñ āveñge

sub.h-e-mahshar bhī dikhā.ī nahīñ detī yārab
roz-e-bad bhī to nasīb-e-shab-e-hijrāñ meñ nahīñ

mahshar meñ lagī bujhāne aa.e shaiḳh
sīdhe tasnīm ko ga.e ham

un ke liye maze kī sazā hai yahī 'riyāz'
mahshar meñ maañg leñge butoñ ko ḳhudā se ham

mumkin hai jā ke arsa-e-mahshar meñ sar uThā.eñ
terī galī meñ dab ke rahe naqsh-e-pā se ham

mahshar meñ paa.ī jām-ba-kaf-hūr zāhido
achchhe rahe yahāñ bhī tumhārī duā se ham

sar-e-mahshar agar pursish huī mujh se to kah dūñgā
sarāpā jurm huuñ ashk-e-nadāmat le ke aayā huuñ

farq kyā paḌtā hai ho jaa.e agar dād-rasī
ik nazar dekh hī lo va.ada-e-mahshar ke evaz

jumbish-e-mauj-e-sabā se bhī agar lab hil ga.e
baat pakḌī jā.egī mahshar uThāyā jā.egā

sub.h-e-mahshar huī shab-e-tārīk
sūrat-e-yār jalva-gar na huī

ḳhūn-e-nāhaq thī faqat duniyā-e-āb-o-gil kī baat
ye hai mahshar kyuuñ yahāñ ho dāman-e-qātil kī baat

darūn-e-ḳhāna-e-dil roz o shab mahshar bapā lekin
zabāñ apnī barā.e-tajraba ḳhāmosh rahtī hai

vo duniyā thī jahāñ tum band karte the zabāñ merī
ye mahshar hai yahāñ sunñī paḌegī dāstāñ merī