Tags-Mahshar

Daalā hai aadmī ne har ik aadmī pe jaal
''hai aadmī bajā.e ḳhud ik mahshar-e-ḳhayāl''

jism aur jaañ kā ye āzār ye mahshar 'akbar'
kisī andesha-e-bātin kā asar hai koī

mahshar-e-hijr tirā sūrat-e-ḳhas sāmne hai
ik baras biit gayā ek baras sāmne hai

azal se tā-abad lambī yaqīñ hai Taañg bhī hogī
hasīn shoḳh vo sahrā-e-mahshar jis kā dāman ho

mirī do-chār ummīdeñ bar aa.ī thiiñ javānī meñ
mire allāh itnī baat par mahshar ta.ajjub hai

un ko apnī sub.h-e-mahshar par hai naaz
ham ko apnī shām-e-furqat par ghamanD

insāf apnā dāvar-e-mahshar se ho to ho
qaziya kisī se dil kā chukāyā na jā.egā

siine kī aag ātish-e-mahshar ho jis tarah
yuuñ maujzan hai ġham ki samundar ho jis tarah

toḌe jā.eñge sitam tere tujhī par 'āfāq'
ik tamāsha to abhī aur hai mahshar vaalā

hameñ āvāz denā hai nabī ko jānib-e-mahshar
ḳhudā āvāz de jis ko vo banda kis tarah kā hai

rag rag meñ dil kī jazb hai mahshar-e-umīd
andāza-e-hujūm-e-tamanna kare koī

bhāgte sāyoñ kī chīḳheñ TūTte tāroñ kā shor
maiñ huuñ aur ik mahshar-e-be-ḳhvāb aadhī raat ko

qayāmat hotī rahtī hai bapā ab shahr meñ har-sū
yahāñ mahshar bapā ai dost ab hotā hī rahtā hai

furqat-e-yār meñ kartī hai qayāmat barpā
roz-e-mahshar se nahīñ kam shab-e-mahtāb mujhe

ḳhanjar pe nazar hai kabhī dāman pe nazar hai
kaun aatā hai mahshar meñ vo ghabrā.e hue haiñ

jigar meñ haiñ dāġh-e-mahr-o-ulfat shigāf-e-pahlū hai jeb-e-mashriq
shab-e-lahad hai ki sub.h-e-mahshar ye kis qayāmat kī raushnī hai

sub.h-e-mahshar bhī gavārā nahīñ furqat merī
mujh se rah rah ke lipaT jaatī hai turbat meñ

mere hoñToñ pe hai ik naġhma-e-be-saut-o-sadā
dil meñ ik mahshar-e-fariyād-o-fuġhāñ hai yaaro

tum ne ab siikh liyā mujh ko satā.e rakhnā
ek mahshar sā mire dil meñ uThā.e rakhnā

jo us kī nazar se kabhī 'afroz' uThā thā
is baar vo mahshar mire andar se uThā hai