Tags-Mahshar

bū-e-gul 'ātish' kahīñ hotī hai mahsūs-e-nazar
afzā hai roz-e-mahshar yaar ke dīdār kā

da.avā karūñgā dāvar-e-mahshar ke sāmne
duniyā se merī terī kashākash kā hal gayā

vo pur-gunah huuñ ki rah ga.e sab usī meñ din kaT gayā vo saarā
hanūz mahshar ke mahkame meñ huā thā merā hisāb aadhā

Darāyā pursish-e-mahshar se nāhaq
pashemāñ huuñ tujhe qātil banā kar

jumbishe-e-pā se hai galiyoñ meñ qayāmat barpā
saath mahshar tirī raftār liye phirtī hai

roz-e-mahshar bhī hosh gar aayā
jā.eñge ham sharāb-ḳhāne ko

yuuñ kahāñ mumkin thā husn-e-ḳhās kā dīdār-e-ām
ban ga.ī āḳhir sarāpā sub.h-e-mahshar ā.īna

hairat meñ huuñ ilāhī kyūñ-kar ye ḳhatm hogā
kotāh roz-e-mahshar qissa darāz merā

lapak ke mujh ko gale lagāyā ḳhudā kī rahmat ne roz-e-mahshar
abhī sunāyā thā mohtasib ne mire gunah kā hisāb aadhā

mahshar kī is ghaḌī meñ hamārā koī to ho
ai raat ai firāq ḳhudārā koī to ho

guzrī hai rauñdtī huī lamhoñ kā qāfila
'tāriq' kī musht-e-ḳhāk hai mahshar liye hue

aate haiñ mujhe ḳhuub se donoñ hunar-e-ishq
rone ke ta.iiñ āñdhī huuñ kuḌhne ko balā huuñ

jaate kidhar ho tum saf-e-mehshar meñ ḳhair hai
dāman na ho ḳhudā ke liye dhajjiyāñ kahīñ

haa.e vo lamha-e-sukūñ ki jise
mahshar-e-iztirāb honā thā

mahshar kā kiyā va.ada yaañ shakl na dikhlā.ī
iqrār ise kahte haiñ inkār ise kahte haiñ

kahūñgā dāvar-e-mahshar kar diyā jaa.e
ki umr bhar usī kāfir ko maiñ ne pyaar kiyā

'dā.ūd' na kar pursish-e-mahshar satī kuchh ḳhauf
vaañ āl-e-mohammad kī shafā.at tujhe bas hai

shikva-e-ġham kī mahshar meñ ham ko to ummīd nahīñ
sāmne vo aa jā.eñge hosh kise rah jā.egā

sun chuke hāl-e-pursish-e-mahshar va.az kī 'anjum' had bhī hai
ye to nahīñ hai hukm-e-ḳhudā roz ek qayāmat Dhā.eñ aap

hañgāma-e-mahshar bhī gar sāmne aayā to
us ko bhī tamāshā.ī ek saañg nayā samjhe