Tags-Mahshar

bār-e-ilāhā yuuñ uTheñ mahshar ko ham
haath ho aur dāman jallād ho

hai ishq ki mahshar meñ yuuñ mast o ḳhirāmāñ hai
dozaḳh ba-garebāñ hai firdaus ba-dāmāñ hai

va.ada-e-hashr hai parda bhī zamāne bhar se
koī dāman na pakaḌ le sar-e-mahshar dekho

nīchī nazroñ se na dekho sar-e-mahshar dekho
dād-ḳhvāhoñ kī taraf aañkh uThā kar dekho

rahūñgā kah ke dil kā mājrā sab
are mahshar meñ to hai aur maiñ huuñ

jab khaḌe hoñge ye sab fir.aun mulzim kī tarah
vo adālat jo lagegī roz-e-mahshar dekhnā

ye safar apnā kahīñ jānib-e-mahshar hī na ho
ham liye kis kā janāza haiñ ye ghar se nikle

kare hai fariyād ek aalam galī meñ us kī hai shor-e-mahshar
jo ek ho.e to kiije insāf us ke haiñ dād-ḳhvāh lākhoñ

is qadar fariyād mahshar-ḳhez ai bulbul na kar
dekhnā taḳhta na ulTe gulshan-e-shādāb kā

tire ahkām kī duniyā mire a.amāl kā mahshar
yahāñ merī vahāñ terī ḳhushī se kuchh nahīñ hotā

bāñkī-chitvan vaale mahshar meñ hazāroñ haiñ to hoñ
mil hī jā.egā kisī sūrat se qātil kā patā

ye ġhaflat hai ki mahshar meñ bhī āñkheñ band haiñ merī
samajhtā huuñ yahī roz-e-jazā ab tak nahīñ aayā

aise hañgāmā-e-mahshar meñ to dam ghuTtā hai
bāteñ kuchh karnī haiñ is baar kahīñ aur chaleñ

al-amāñ hālāt kī mahshar-ḳhirāmī al-amāñ
Dagmagā.e is qadar goyā sambhal kar rah ga.e

zehn kī qabroñ meñ phir se suur gūñjā hai 'riyāz'
tañgi-e-iz.hār chal ik aur mahshar kī taraf

ḳhudā se hukm-e-tansīḳh-e-ajal māñgeñge mahshar meñ
magar 'sīmāb' ye to qissa-e-mā-bād-e-hastī hai

yakāyak phir charāġh ummīd ke hone lage raushan
ye sub.h-e-roz-e-mahshar hai ki shām-e-sub.h-e-hastī hai

surāġh-āvāra-e-arz-e-do-ālam shor-e-mahshar huuñ
par-afshāñ hai ġhubār aañ sū-e-sahrā-e-adam merā

zamīr-e-lāla mai-e-lāl se huā labrez
ishāra paate hī suufī ne toḌ dī parhez

maanā vaa.iz baḌā hī allāma hai
mahshar kā zabān pe us ke hañgāma hai