Tags-Mahshar

is banda-navāzī ke tasadduq sar-e-mahshar
goyā tirī rahmat ke sazā-vār hamīñ the

ba-haqq-e-āñ mah ki roz-e-mahshar ba-dād maarā fareb 'ḳhusrav'
sapīt man ke durā.e rākhūñ jo jaa.e pā.ūñ piyā kī khatiyāñ

chup rahe dekh ke un āñkhoñ ke tevar āshiq
varna kyā kuchh na uThā sakte the mahshar āshiq

yā rab hameñ to ḳhvāb meñ bhī mat dikhā.iyo
ye mahshar-e-ḳhayāl ki duniyā kaheñ jise

aise se dād-ḳhvāhī mahshar meñ bhī sitam hai
har ek ġhamza jis kā ho ḳhūñ-bahā-e-ālam

thā har qadam pe apne azā.em kā imtihāñ
har gaam hādsāt kā mahshar bapā rahā

shauq ko aaj be-qarārī hai
aur vaada hai roz-e-mahshar kā

lahreñ uchhal paḌīñ haiñ ik nāznīñ ne apne
paanī meñ paañv rakh kar mahshar uThā diyā hai

dīda-e-namnāk se dariyā bahā
āh-e-sho.ala-bār se mahshar tarāsh

phir koī mahshar uThāne merī tanhā.ī meñ aa
apne hone kī ḳhabar le kar kabhī bastī meñ aa

mālik mujhe rusvā.ī-e-mahshar se bachā le
denā hoñ jo de le vo sazā.eñ bhī yahīñ aur

kareñ ham sa.ī jitnī bhī kahāñ mumkin hai bach paanā
za.īfī se qazā se qabr se barzaḳh se mahshar se

mahshar meñ baat bhī na zabāñ se nikal sakī
kyā jhuk ke us nigāh ne samjhā diyā mujhe

vaa.iz ham ko tū na hañgāma-e-mahshar se Darā
apne nazdīk vo ik majma-e-yārāñ hogā

tū vahāñ bhī jo na ho yaar to phir hai andher
roz-e-mahshar pe gumān-e-shab-e-hijrāñ hogā

sar-e-mahshar yahī pūchhūñgā ḳhudā se pahle
tū ne rokā bhī thā bande ko ḳhatā se pahle

vahī mahshar vahī milne kā va.ada
vahī būḌhā bahānā chal rahā hai

na ho isyāñ to kaisā hashr kā din
kahāñ phir dāvar-e-mahshar rahegā

mahshar meñ bhī ham terī shikāyat na kareñge
aa jā.egī us din bhī hameñ shart-e-vafā yaad

roz-e-mahshar hai raat hijrāñ kī
aisī ham zindagī se haiñ bezār