Tags-Manzil

aa gayā manzil pe har patthar ko Thukrātā huā
aap ke ġham ko har ik ġham kī sipar samjhā thā maiñ

ham tan-āsānī ke ḳhūgar DhūñDte manzil kahāñ
duur hī se gard-e-rāh-e-kārvāñ dekhā kiye

Darnā abas hai ḳhār-e-muġhīlāñ se ab mujhe
manzil meñ ishq ke ka.ī farsañg aa gayā

aisī manzil pe aa gayā huuñ dost
tire ġham kā faqat sahārā hai

manzil-e-zīst ham se sar na huī
yād-e-gesū-e-yār meñ guzrī

dil ne kis manzil-e-be-nām meñ chhoḌā thā mujhe
raat bhar ḳhud mire saa.e ne bhī DhūñDā thā mujhe

us manzil-fareb se guzrā huuñ maiñ jahāñ
apnā bhī e'tibār na karnā paḌā mujhe

kis manzil se merā rishta gahrā hai
paañv tale har rasta rakh kar sochūñgā

husn samajh le ishq kī manzil
itnī ma.alūmāt nahīñ hai

maqām-e-dil koī manzil na ban sakā na sahī
tirī nigāh-e-mohabbat kī rahguzār to hai

manzil-e-ishq-o-fanā karnī hai tai sar-tā-ba-sar
sham.a ke mānind jal bujhne kī hai merī salāh

vafā kī kaun sī manzil pe us ne chhoḌā thā
ki vo to yaad hameñ bhuul kar bhī aatā hai

maiñ kisī manzil-e-hastī pe kahāñ ruktā thā
raah meñ tum jo na mil jaao guzartā jā.ūñ

saare patthar nahīñ hote haiñ malāmat kā nishāñ
vo bhī patthar hai jo manzil kā nishāñ detā hai

piirī meñ kaif-e-ishq se tauba to kījiye
manzil rahī hai thoḌī sī himmat na hāriye

ruuTh ga.ī manzil kaisī
galiyoñ galiyoñ bhaTkā huuñ

dil choT sahe aur uf na kare ye zabt kī manzil hai lekin
sāġhar TuuTe āvāz na ho aisā to bahut kam hotā hai

manzil to mere apne irādoñ ke saath hai
rahbar mile na ab koī naqsh-e-qadam mile

do qadam saath chale tab to batā.ūñ us ko
hai tirī manzil-e-gum-nām mirī āñkhoñ meñ

tūfāñ samajh liyā kabhī sāhil banā liyā
ai shauq-e-be-amāñ tujhe manzil banā liyā