Tags-Manzil

yahī rasta mirī manzil kī taraf jaatā hai
jis ke fōtpath faqīroñ se aTe rahte haiñ

chale to jā rahe haiñ kyā batā.eñ kal kahāñ hoñge
ḳhudā ma.alūm kis manzil pe Thahre kārvāñ apnā

jis kī manzil ho ḳhvāb-e-dar-basta
us musāfir ke saath chaltā kaun

ek manzil hai muḳhtalif rāheñ
rañg haiñ be-shumār phūloñ ke

yuuñ rāstoñ se in dinoñ dilchaspiyāñ baḌhīñ
qadmoñ kī ḳhaak ho ga.ī manzil mire liye

mire hī naam pe manzil-rasī ye Thahrī hai
mire liye hī magar pā-figār honā bhī

tū hāsil-e-manzil bhī mirā rāh-numā bhī
tū mujh se gurezāñ bhī qarīb-e-rag-e-jāñ bhī

haa.e us muḳhtār kī majbūriyāñ
jis ne dam toḌā ho manzil ke qarīb

zindagī kyā thī ajab tūfān thī
ab kahīñ pahuñche haiñ manzil ke qarīb

bū-e-manzil meñ ghul hī jā.egī
ye mire pā-e-ḳhār kī ḳhushbū

marhabā jazb-e-shahādat us kā maġhrib hai gulū
aap manzil par hilāl-āsā pahuñch jaatī hai teġh

ab merā safar tanhā ab us kī judā manzil
pūchho na pata us kā tum mere Thikāne se

manzil kā surāġh dene vaalā
be-nām masāfatoñ meñ gum thā

maiñ sa.ī-e-musalsal kar ke bhī manzil se kosoñ duur rahā
manzil na milī to kyā hai magar apne ko paatā jaatā huuñ

bahut mushkil hai manzil tak jo ahl-e-kārvāñ pahuñcheñ
ki ham se gard-e-rāh-e-kārvāñ kuchh aur kahtī hai

ġham-e-ziyāñ ke sivā kuchh nahīñ hai manzil par
safar kā lutf gayā aur ham-safar bhī ga.e

pahuñch sakā na maiñ bar-vaqt apnī manzil par
ki rāste meñ mujhe rahbaroñ ne gherā thā

ye hai davām kī manzil ki hai fanā kā khanDar
ye raaz aaj mire raḳhsh-e-jāñ se duur nahīñ

mah o ḳhurshīd ko samjhā hai manzil
ḳhudāyā kis qadar aajiz bashar hai

nahīñ hai duur kuchh manzil hamārī
zamāna raah meñ haa.il magar hai