Collections

Lab Shayari

Motivational Ghazals

Best Khamoshi Shayari

More Collections

Tags-Manzil

ye vāqi.a hai ki dekhā thā ḳhvāb manzil kā
ye hādisa hai ki ab rāsta bhī yaad nahīñ

dilon ko luTne wali ada bhi yaad nahin

kuchh aur ho ki na ho zād-e-rāh manzil-e-shab
sahar ke ḳhvāb to āñkhoñ meñ haiñ sajā.e hue

idhar bhi aaen kabhi dhup ke satae hue

muzhda ai dil kisī pahlū to qarār aa hī gayā
manzil-e-dār kaTī sā.at-e-gesū aa.ī

jab hawa shab ko badalti hui pahlu aai

be-samt zindagī mirī be-samt hī rahī
manzil kā har nishān uḌā le ga.ī havā

KHush-rang aasman uDa le gai hawa

ham musāfir aisī manzil ke hue jis ke liye
rāsta zāhir hai lekin fāsla poshīda hai

sab hai zer-e-bahs jo zahir hai ya poshida hai

us kī aur manzil hai merī aur manzil hai
shaiḳh se 'figār' apnā rāsta nahīñ miltā

sai-e-ghair-hasil ko muddaa nahin milta

ye nañg-e-āshiqī hai suud o hāsil dekhne vaale
yahāñ gumrāh kahlāte haiñ manzil dekhne vaale

ye nang-e-ashiqi hai sud o hasil dekhne wale

na rahbar ne na us kī rahbarī ne
mujhe manzil atā kī gumrahī ne

na rahbar ne na uski rahbari ne

gale lagātī hai manzil unheñ bhī ai 'jazbī'
qadam qadam pe jo ḳhauf-e-ma.āl se guzre

hum ek KHwab liye mah o sal se guzre

mujh ko manzil nazar nahīñ aatī
duur tak rahguzār hai kyā hai

chaar su intishaar hai kya hai

kuchh aur zaḳhm khā ki mile manzil-e-murād
lamhoñ se apne zaḳhm kā marham talab na kar

KHushiyan na chhoD apne liye gham talab na kar

ai havādis-āshnā īzā-talab dil muzda-bād
jā rahā huuñ us taraf ab maiñ jidhar manzil nahīñ

kis chaman ki KHak mein phulon ka mustaqbil nahin

az-bas-ki is safar meñ manzil ko ham na pahuñche
āvārgī ne ham ko reg-e-ravāñ banāyā

ek harf-e-kun mein jis ne kaun-o-makan banaya

kaḌe haiñ kos bahut manzil-e-mohabbat ke
mile na chhāñv magar dhuup Dhal to saktī hai

firaq ek nai surat nikal to sakti hai

rah-e-irfāñ meñ apne hosh ko maa.il samajhte haiñ
huī jab be-ḳhudī taarī use manzil samajhte haiñ

rah-e-irfan mein apne hosh ko mail samajhte hain

apnī manzil kā ilm hote hue
phir bhī ham jān-būjh kar bhaTke

shahr-dar-shahr dida-war bhaTke

ab to manzil bhī hai ḳhud garm-e-safar
har qadam sañg-e-nishāñ thā pahle

kuchh to ehsas-e-ziyan tha pahle

ham na pahuñche sar-e-manzil to kyā
ham-safar koī to pahuñchā hogā

jab hamein izn tamasha hoga

chalte hue mujh meñ kahīñ Thahrā huā tū hai
rasta nahīñ manzil nahīñ achchhā huā tū hai

chalte hue mujh mein kahin Thahra hua tu hai

manzileñ raah meñ thiiñ naqsh-e-qadam kī sūrat
ham ne muḌ kar bhī na dekhā kisī manzil kī taraf

dad bhi fitna-e-bedad bhi qatil ki taraf