Tags-Manzil

lagā ki manzil tumhī ho lekin
nazar kā merī sarāb ho tum

chalā huuñ manzil-e-jānāñ maiñ kuchh aise ta.assur se
nazar sharminda sharminda qadam āhista āhista

nahīñ mumkin ki sahrā ko bhulā duuñ lutf-e-manzil meñ
mire paañv ke talve meñ chubhī hai nok-e-ḳhār ab tak

vo zaḳhm mile dil ko sar-e-manzil-e-qurbat
ik dushman-e-jāñ se bhī shikāyat nahīñ ab ke

ik qadam ke fāsle par donoñ aa kar ruk ga.e
bas yahī manzil safar kī āḳhirī achchhī lagī

un ke lab par zikr aayā be-hijābāna merā
manzil-e-takmīl tak pahuñchā ab afsāna merā

ghaT ga.ī yā to zauq-e-safar kī lagan baḌh ga.ī yā na.ī laġhzishoñ se thakan
koī to baat hai jo sar-e-rah-guzar aaj manzil ne ham ko pukārā nahīñ

mire log gard-o-ġhubār meñ tire yaar tere dayār meñ
tū asīr-e-manzil-e-shash-jihat mirā rāsta koī dūsrā

rah-rav-e-ishq haiñ manzil kī hameñ kyā ummīd
kyā chale ḳhaak agar baiTh ke do-gām chale

rāh-e-vafā hai ham-safro pur-azm raho haañ tez chalo
chaar qadam pe manzil hai ab raah se vāpas jaanā kyā

manzil manzil diip jale haiñ
phir bhī kitnā añdhiyārā hai

saare sañg-e-mīl bhī manzil ho sakte haiñ bhed khulā
hāthoñ kī rekhāoñ meñ har manzil ek nishānī hai

ishq jab manzil-e-āḳhir se guzartā hogā
ek bhī ashk na āñkhoñ se Tapaktā hogā

ye ham ko chhoḌ ke tanhā kahāñ chale 'vāmiq'
abhī to manzil-e-merāj-e-dār baaqī hai

dard-e-dil ke ghā.il hote jaate haiñ
aap hamārī manzil hote jaate haiñ

ham to manzil ke talabgār the lekin manzil
aage baḌhtī hai ga.ī rāhguzar kī sūrat

ek mauqa kyā milā ḳhush-fahmiyāñ baḌhne lagīñ
rāsta itnā pasand aayā ki manzil ho gayā

uupar vaalā manzil mujh ko dikhlātā hai
aur maiñ apne pair ke chhāle gintā rahtā huuñ

jo tumheñ jāda-e-manzil kā pata detā hai
apnī peshānī par vo naqsh-e-qadam le ke chalo

is se manzil kā pata pūchh rahī hai duniyā
jis kā manzil ke tasavvur se bhī jī ghabrā.e