Tags-Manzil

mujhe manzil kī dāvat hai
bulāne sapne aa.e haiñ

hai manzil-e-ta.amīr meñ ta.abīr kā sūraj
ye ḳhvāb adhūrā hai abhī jāgte rahnā

musāfir-e-abadī kī nahīñ koī manzil
yahāñ qayām kiyā yā vahāñ qayām kiyā

na DhūñDo 'mullā' ko kārvāñ meñ phiregā sahrā meñ vo akelā
kisī sabab se jo tā-ba-manzil na aa sakā kārvāñ se pahle

manzil kī be-ruḳhī ke gila-mand the hamīñ
har rāste meñ sañg-e-mujassam bhī ham hī the

ye ḳhema-zanī raah meñ apnī jagah achchhī
uThtā huā manzil pe ġhubār apnī jagah ḳhuub

musāfir ishq kī manzil sarāpā raaz hotī hai
kahīñ chehre pe gard-e-kārvāñ baaqī na rah jaa.e

dasht-e-junūñ meñ ho ga.ī manzil-e-yār be-surāġh
qāfila kis taraf gayā bāñg-e-darā ko kyā huā

pahle manzil pas-e-manzil pas-e-manzil aur phir
rāste Duub ga.e ālam-e-tanhā.ī meñ

ḳhayāl aa gayā mānūs rahguzāroñ kā
palaT ke aa ga.e manzil se tere dīvāne

kis fikr meñ ho ghar kī taraf lauT bhī jaao
jo nuqta-e-āġhāz hai manzil bhī vahī hai

ye sadā de rahā kaun 'ahsan' batā
raah kaisī dikhā.ī hai manzil mujhe

soch kī manzil kahīñ hai aur āñkheñ haiñ kahīñ
jāntā huuñ kis meñ kitnī quvvat-e-parvāz hai

manzil-e-dār-o-rasan ho yā salīb-e-sarfarāz
apne hī naqsh-e-kaf-e-pā jā-ba-jā paate haiñ log

hosh manzil kho ke manzil kā patā paate haiñ log
tark-e-lazzat meñ to kuchh lazzat sivā paate haiñ log

ḳhayāl-e-dūrī-e-manzil thakā bhī detā hai
chale chalo abhī aage qadam baḌhā.e hue

jo manzil hī se ho ġhāfil musāfir
bhalā kyā lutf jo raushan nazar hai

ham ne maanā yahīñ khīñch aa.egī manzil lekin
ai junūñ izzat-e-arbāb-e-safar jā.egī

manzil na thī koī na hī rasta nazar aatā
ye sab usī tafrīq-o-ta.assub kā samar thā

manzil yahīñ hai aam ke peḌoñ kī chhāñv meñ
ai shahsavār ghoḌe se nīche utar ke dekh