Collections

Lab Shayari

Motivational Ghazals

Best Khamoshi Shayari

More Collections

Tags-Manzil

maiñ mīr-e-kārvāñ huuñ pas-e-kārvāñ nahīñ
hāthoñ meñ mere dāman-e-manzil kahāñ nahīñ

sajde jabin-e-shauq ke ab raegan nahin

us musāfir kī naqāhat kā Thikāna kyā hai
sañg-e-manzil jise dīvār nazar aane lage

subh se sham ke aasar nazar aane lage

dil kā lahū nigāh se Tapkā hai bār-hā
ham rāh-e-ġham meñ aisī bhī manzil se aa.e haiñ

dil ka lahu nigah se Tapka hai bar-ha

tā-umr DhūñDhtā rahā manzil maiñ ishq kī
anjām ye ki gard-e-safar le ke aa gayā

shayad main zindagi ki sahar le ke aa gaya

dekho duniyā hai dil hai
apnī apnī manzil hai

dekho duniya hai dil hai

manzil-e-dair-o-haram chhoḌ ke ai jān-e-jahāñ
maiñ ne ka.aba terī chaukhaT ko banā rakkhā hai

mujhko duniya ke har ek gham se chhuDa rakkha hai

shikasta-pā bhī pahuñch hī ga.e sar-e-manzil
na rāste kī ḳhabar thī na kārvāñ mālūm

maal-e-soz-e-talab tha dil-e-tapan malum

shorish-e-harf hai ayāġh meñ kuchh
likh qalam manzil-e-balāġh meñ kuchh

shorish-e-harf hai ayagh mein kuchh

na sīkhe baap kī uñglī pakaḌ kar tifl gar chalnā
use manzil to mil jaa.e magar rahbar nahīñ miltā

watan jis roz se chhuTa hai wo manzar nahin milta

manzil kī justujū meñ akele nahīñ haiñ ham
hamrāh to nahīñ hai tirā naqsh-e-pā to hai

jab bhi mila wo TuT ke humse mila to hai

ek tūfāñ meñ qarīb aa ga.ī apnī manzil
ham samajhte the bahut duur kinārā hogā

gham-nasibon ko kisi ne to pukara hoga

ye ashk manzil-e-āḳhir haiñ ishq kī hamdam
ki in sitāroñ se aage koī nishān nahīñ

teri gali si kisi bhi gali ki shan nahin

log manzil pe bahut ḳhush haiñ magar manzil bhī
lamha lamha pas-e-imkān-e-safar rakhtī hai

dur sahra mein jahan dhup shajar rakhti hai

koī bhī manzil nahīñ apnī kashish donoñ taraf
paañv miTTī meñ gaḌe haiñ aañkh sayyāroñ meñ hai

dil bahut masruf tha kal aaj be-karon mein hai

hameñ apnī masāfat be-maza karnā nahīñ hai
safar karnā hai manzil kā pata karnā nahīñ hai

hamein apni masafat be-maza karna nahin hai

manzil hai ki ojhal hai nigāhoñ se abhī tak
rasta hai ki tā-hadd-e-nazar TuuT rahā hai

dil TuT chuka tar-e-nazar TuT raha hai

naqsh-e-pā-e-raftagāñ se aa rahī hai ye sadā
do qadam meñ raah tai hai shauq-e-manzil chāhiye

naqsh-e-pa-e-raftagan se aa rahi hai ye sada

ḳhud-farebī hai thakan hai ki shikasta-pā.ī
har qadam par mujhe manzil kā gumāñ hotā hai

silsila jab teri baaton ka jawan hota hai

aa.egī ek manzil be-shām-o-be-sahar
pinhāñ ye raaz gardish-e-shām-o-sahar meñ hai

be-nam si KHalish ki jo dil mein jigar mein hai

qāfile haiñ kitne darmāñda ḳhirām
gard rāhoñ se na manzil se uThī

yun naqab-e-ruKH muqabil se uThi