Tags-Manzil

maujzan gum-gashta manzil kī lagan
kārvāñ-dar-kārvāñ chalte rahe

bāñsoñ ke jañgal kī chilman husn jhalaktā manzil kā
baḌhte hue qadmoñ kī taak meñ sūkhe hue pattoñ par saañp

garm-e-safar hai garm-e-safar rah muḌ muḌ kar mat pīchhe dekh
ek do manzil saath chalegī paTke hue qadmoñ kī chaap

manzil-e-shab jab tai karnī hai apne akele dam se hī
kis ke liye is jagah pe ruk kar din apnā barbād karūñ

shahar kī fasīloñ par zaḳhm jagmagā.eñge
ye charāġh-e-manzil haiñ rāsta batā.eñge

qāfile nuur ke utre na kisī manzil par
shab ke nam-dīda kināroñ pe sahar chhoḌ ga.e

qāmat-e-jānāñ hai mīl-e-manzil-e-avval mujhe
kākul-e-shab-gūñ hai jaada vādī-e-āfāt kā

manzil-e-āshiqī ham kahāñ pā.eñge
dil meñ ehsās-e-sūd-o-ziyāñ hai abhī

umr-bhar sū-e-manzil chalā huuñ magar
fāsla juuñ kā tuuñ darmiyāñ hai abhī

manzil kī talab meñ na thā āsān guzarnā
patthar the bahut raah meñ gir gir ke uThā maiñ

maiñ vo ik rahrav-e-mohabbat huuñ
jis kī manzil bhī raah meñ guzrī

jo said-e-dām-e-junūñ the vo pā ga.e manzil
asīr-e-dānish-o-bīnish na be-nishāñ ho jaa.eñ

qāfile vāloñ ne bistar jahāñ apne khole
sach to ye hai vo mire naam kī manzil to nahīñ

koī manzil na thī jo sar na huī
jab bhī himmat ko tez-gām kiyā

phir kahīñ ḳhvāb o haqīqat kā tasādum hogā
phir koī manzil-e-be-nām bulātī hai hameñ

ḳhud bulātī thī manzil-e-maqsūd
tai na kiiñ apnī dūriyāñ us ne

ab kisī raah pe jalte nahīñ chāhat ke charāg
tū mirī āḳhirī manzil hai mirā saath na chhoḌ

Dagar Dagar maiñ bhaTak rahī huuñ aaj talak
tujh se bichhaḌ kar kaisī manzil shahzāde

tū hī nahīñ to kaun kare merī rahbarī
kaTtī nahīñ hayāt kī manzil tire baġhair

kahāñ rah jaa.e thak kar rah-navard-e-ġham ḳhudā jaane
hazāroñ manzileñ haiñ manzil-e-ārām aane tak