Tags-Masti

mastī meñ ruḳh pe baal pareshāñ kiye hue
bādal meñ sham-e-tūr farozāñ kiye hue

ghaTtī baḌhtī duniyāoñ tak
mastī aur lagan kī liilā meñ

tirā tabassum faroġh-e-hastī tirī nazar e'tibār-e-mastī
bahār iqrār kar rahī hai sharāb īmān lā rahī hai

aalam hai mast sajda-e-jānāñ meñ tā-abad
mastī balā kī bāda-e-''qālū-balā'' meñ hai

lai meñ Duubī huī mastī bharī āvāz ke saath
chheḌ de koī ġhazal ik na.e andāz ke saath

ye kis kī narm ḳhushbū hai mirī shab kī havelī meñ
ye kaisā raqs-e-mastī ai dil-e-betāb zinda hai

udhar to rañg hai mastī hai shādmānī hai
idhar bas ik dil-e-nāshād ke sivā kyā hai

vahshat o nā-āshnā.ī mastī o begānagī
yā tirī āñkhoñ meñ dekhī yā tire dīvāna meñ

gale chaḌhne mastī meñ mastoñ ke muñh
baḌī duḳhtar-e-raz ye niDar ho ga.ī

faqr maqām-e-nazar ilm maqām-e-ḳhabar
faqr mastī savāb ilm meñ mastī gunāh

ham jo mastī meñ girte paḌte haiñ
zāhid aisī namāz kyā jaane

tirī nigāh se merī nazar meñ mastī hai
tire jamāl meñ maujeñ haiñ us ke dariyā meñ

apnī mastī ki tire qurb kī sarshārī meñ
ab maiñ kuchh aur bhī āsān huuñ dushvārī meñ

zāhir hai tirī nargis-e-maḳhmūr se mastī
Tapke hai tire lāl-e-mai-āshām se lazzat

fāqa-mastī meñ bhī jiite haiñ ba-āġhāz-e-junūñ
zindagī ham tirā pindār sambhāle hue haiñ

mastī meñ nazar chamak rahī hai saaqī
saarī mahfil mahak rahī hai saaqī

mastī bhī umīdeñ bhī hasrat bhī udāsī bhī
mujh ko tirī āñkhoñ ne har tarah navāzā hai

kabhī to sulh bhī ho jaa.e zohd o mastī meñ
ilāhī shaiḳh bhī mai-ḳhvār ho muġhāñ kī tarah

ain mastī meñ hameñ dīd-e-fanā hai 'inshā'
aañkh jab mūñdte haiñ sair-e-adam karte haiñ

gayā vo daur-e-siyāh-mastī rahā faqat nām-e-mai-parastī
jo zo.af-e-pīrī meñ aañkh kholī to kuchh tabī.at pe baar dekhā