Tags-Mausam

ye kaun sī bastī hai ye kaun sā mausam hai
sochā bhī nahīñ jaatā bolā bhī nahīñ jaatā

aaj ye hai mausam kā taqāzā
zulf tirī khul kar lahrā.e

ā.ankhoñ se maiñ ne chakh liyā mausam ke zahr ko
lekin vajūd sah na sakā us ke qahr ko

sameT leñge kisī din nigāh mausam kī
shajar shajar pe abhī apnā naam likhtā huuñ

dhaan ke khetoñ kā sab sonā kis ne churāyā kaun kahe
be-mausam be-fasl abhī tak is iz.hār kī dhartī hai

badlā mausam mere chehre kā magar
phuul ban kar khil gayā hai aa.ina

saḌkoñ par chalte phirte shādāb se chehre suukh ga.e
vo mausam jis ko aanā thaa, vo aa bhī gayā

kab se hai girte hue pattoñ kā manzar aañkh meñ
jaane kyā mausam hai ḳhvāboñ kā ziyāñ aisā na thā

ajab ik vaqt gulshan meñ ye paiġhām-e-bahār aayā
fazā hī sāzgār aa.ī na mausam sāzgār aayā

vaqt-e-dai zer-e-ḳhār-zār guzār
mausam-e-gul tah-e-gul-e-tar kaaT

kis ne mausam ko sikhlā.ī aisī adā
kabhī ḳhush aur kabhī ye ḳhafā sā lage

zarā sī der meñ mausam badalne kā zamāna hai
havā ke bāzuoñ kī chūḌiyāñ āvāz detī haiñ

tumhārī yādoñ ke chaḌhte dariyā ko ḳhushk-sālī se kyā ta.alluq
tumhārī yādoñ kā chaḌhtā dariyā har ek mausam meñ bah rahā hai

ye kahānī ek aise sar-phire mausam kī hai
ḳhushk pattoñ se jo le aayā thā āñdhī bāñdh kar

badalne vaalā hai ḳhurshīd-tāb kā mausam
to koī der abhī ḳhud ko sā.ebān meñ rakh

shabāb ho ki na ho husn-e-yār baaqī hai
yahāñ koī bhī ho mausam bahār baaqī hai

us ne baaġh se jaate jaate mausam-e-gul bhī bāñdh liyā
'shāz' ko dekho dīvāne haiñ baiThe haar pirote haiñ

ik tum ki ho be-ḳhabar sadā ke
mausam hai ki haath mal rahā hai

isī liye jab kabhī tumhārā guzar ho aur din ke nek sūraj
ḳhud apne mausam kī bādshāhat hoñ, to jahāñ āñsuoñ ke chashme

na.e haiñ vasl ke mausam mohabbateñ bhī na.ī
na.e raqīb haiñ ab ke adāvateñ bhī na.ī