Tags-Mausam

zehn kī shāḳhoñ par ash.ār aa jaate haiñ
jab terī yādoñ kā mausam hotā hai

yahāñ to iid kā mausam bhī ab nahīñ aatā
na jaane gardish-e-daurāñ ko ho gayā kyā hai

aise hijr ke mausam kab kab aate haiñ
tere alāva yaad hameñ sab aate haiñ

mausam hai na khāne-pīne kā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

phir ḳhanda-e-gul kā shor huā
phir mausam-e-gul kā saaz bajā

us pe to fasl-e-ḳhizāñ maar chukī hai shab-ḳhūñ
mausam-e-gul ke guzar jaane kā khaTkā kaisā

ye ḳhizāñ peḌoñ se patte dil se ḳhushiyāñ le ga.ī
zor kuchh bhī chal na paayā mausam-e-saffāk par

kahāñ na-jāne chalā gayā intizār kar ke
yahāñ bhī hotā thā ek mausam-e-bahār kar ke

kis ko ḳhabar sahāb kahāñ jā ke ro.egā
mausam ye barshgāl faqat chaar din kā hai

bahār aa.ī divāno sunte ho bulbul kī fariyādeñ
ye āvāze haiñ fauj-e-mausam-e-gul ke naqīboñ ke

hasrat-e-mausam-e-gulāb huuñ maiñ
sach na ho pā.egā vo ḳhvāb huuñ maiñ

bārish aa kar baras rahegī mausam aane par
phir bhī apnā dard chhupānā achchhā lagtā hai

apnā bhī jī udaas thā mausam ko dekh kar
is shoḳh kā mizāj bhī badlā huā lagā

kaun thā mausam-e-sāf bhī jis ko aayā na raas
kuchh to ham se kaho vo halāk-e-havā kaun thā

isī umiid pe barseñ guzār diiñ ham ne
vo kah gayā thā ki mausam palaT ke aate haiñ

sar-zamīn-e-tamannā kī miTTī salāḳheñ ugāne lagī hai
giraftār hone kā mausam

mujh ko is kā ġham nahīñ sailāb meñ ghar bah ga.e
muskurāyā huuñ maiñ be-mausam kī barkhā dekh kar

mausam mausam yahī rahā gar ḳhushbū kī tahqīr kā rañg
siise kī kaliyāñ phūTeñgī ab lohe kī Dāloñ meñ

ai mausam-e-gul tū abhī aayā hai yahāñ par
jab shāḳh-o-shajar dīda-e-tar lauT ga.e haiñ

phir bapā hai vahī jazbāt kā tūfān to kyā
isī bigḌe hue mausam meñ sañvarnā hai mujhe