Tags-Mausam

ye hai shaam mausam-e-dard kī ye hai sub.h chehra-e-zard kī
hai bahār par ġham-e-zindagī koī dil-ḳhizāñ ho to le ke aa

aaj ke mausam se be-sudh kuchh log kafan chehra
ab tak sahme baiThe haiñ tūfān kal aayā thā

jalte hue mausam meñ is tarah vo hañstā hai
sahrā meñ hañse jaise koī gul-e-tar tanhā

ishq meñ ik āsānī hai sab chīzeñ kam-kam kaafī haiñ
ham ko bhī ab vasl-o-hijr ke do hī mausam kaafī haiñ

gajroñ kaliyoñ ke mausam meñ yaad koī jab aatā hai
ik an-dekhā ḳhushbū vaalā haath mujhe chhū jaatā hai

kaalī ġhazal suno na suhānī ġhazal suno
mausam ye kah rahā hai ki dhānī ġhazal suno

kaT ke apnī jaḌoñ se kuchh paude
sabz mausam kī shaal chāhte haiñ

jazbāt ko bhātā nahīñ koī mausam
ehsās ke har moḌ meñ saudā kyā hai

libās-e-pumbai bin kyūñke guzre mausam-e-sarmā
qayāmat hai ye terī sard-mehrī tis pe ye sardī

ab ke mausam meñ ye meyār-e-junūñ Thahrā hai
sar salāmat raheñ dastār na rahne paa.e

maiñ chhūtī āsmāñ ko huuñ baḌhā detī huuñ peñgoñ ko
mirī jab yaad meñ bachpan kā vo mausam ukhaḌtā hai

karo koshish bhale hī laakh TuuTe dil bachāne kī
magar mausam vahī aa jaa.e to har ġham ukhaḌtā hai

mausam-e-gul meñ havā.eñ jaise pathrā.ī rahīñ
ḳhushbuoñ kā koī jhoñkā is taraf aayā na thā

bas ek hī mausam kā tasalsul hai ye duniyā
kyā hijr-zada ḳhvāb-e-javānī se nikalte

mausam-e-holī hai din aa.e haiñ rañg aur raag ke
ham se tum kuchh māñgne aao bahāne phaag ke

tum
jo miTTī mausam aur rañg pahchānte ho

huā shikār siyāsat kā ab ke mausam bhī
bahār aa.ī hai lekin ḳhizāñ ko saath liye

savār-e-ablaq-e-ayyām mausam-e-gul hai
chaman ke sho.ale haiñ yā halqa-e-rikāb kī aañch

mere ahd ke bachche hindū muslim sikh īsā.ī haiñ
aman kī bagiyā meñ hai ab to har pal mausam dañgoñ kā

har sū mausam nuur pe thā jab mīlādoñ sat-sañgoñ kā
thā jhankār pe raag basantī suufī sunnat malañgoñ kā