Tags-Mausam

ik manzar-e-hairat meñ fanā ho ga.iiñ āñkheñ
aa.e the kisī mausam-e-dīdār meñ ham log

mausam-e-gul hameñ jab yaad aayā
jitnā ġham bhūle the sab yaad aayā

ḳhizāñ ke daaġh miTe kab guloñ ke dāman se
tujhe bhī dekh liyā mausam-e-numū ham ne

muḳhālif mausam-e-dil hī nahīñ hotā masāfat meñ
muāfiq kuchh 'salīm' apnā sitāra bhī nahīñ hotā

ba-īñ navāzish-e-mausam shaguft-e-gul pe na jā
zabān-e-hāl se goyā ba-chashm-e-tar ḳhāmosh

ye kis kī āmad-o-shud se havā.eñ raqs kartī haiñ
ye kyuuñ mausam badalte haiñ miyān-e-rañg-o-bū kyā hai

vo abr aayā vo rañg barse vo kaif jaagā vo jaam khanke
chaman meñ ye kaun aa gayā hai tamām mausam badal rahā hai

zāviye bahāroñ ke sab hasīn hote haiñ
jhuuT ke sabhī mausam be-yaqīn hote haiñ

maiñ ab apnā jism nahīñ huuñ sirf tumhārā saaya huuñ
mausam kī ye barf pighalte ek zamāna biit gayā

pyaar kā mausam biit chukā thā bastī meñ jab pahuñche ham
logoñ ne phūloñ ke badle talvāreñ mañgvā lī thiiñ

sard akelā bistar 'fikrī' niiñd pahāḌoñ paar khaḌī
garm havā kā jhoñkā DhūñDūñ jī se giile mausam sā

ik vasl ke mausam meñ jahāñ jaag uThā hai
ghar-bār zamīñ kaun-o-makāñ jaag uThā hai

agar ye mausam-e-gul hai to zard-rū kyuuñ hai
dil-o-nazar pe ye kaifiyyat-e-ḳhizāñ kaisī

umr guzrī mausam-e-girya nahīñ Thahrā kahīñ
qarz ik baaqī rahā mujh pe kisī barsāt kā

is ḳharābe meñ na.e mausam kī sāzish thī to 'rind'
lazzat-e-ehsās ke lamhoñ ke jalte par bhī the

āḳhir-e-shab dard kī TuuTī huī baisākhiyāñ
āḌe-tirchhe zāviye mausam ke chehre par bhī the

kuchh aise lagtā hai jaise guzar ga.iiñ sadiyāñ
tirī judā.ī kā mausam azaab jaisā hai

apne mausam meñ kaisā hotā hai
naunihāloñ ko sar-kashī kā ishq

kuchh to mausam bhī hai ḳhayāl-añgez
kuchh tabī.at mirī ravāñ bhī hai

mausam-e-gul kī rānā.ī ne dasht meñ Dere Daale haiñ
tum bhī 'ravish' ab ghar se niklo rut aa.ī hai bahāroñ kī