Tags-Mausam

akelā peḌ hī mausam kā vaar sahtā rahā
shikasta-barg bhī koī na ās-pās huā

mire ḳhulūs ke phūloñ se jo uḌī ḳhushbū
tumhāre tanz kā mausam bhī bad-havās huā

merī taqdīr kā jo bhī ḳhāka banā
piile mausam ke pattoñ pe likkhā gayā

mujh se merī tamannā ke gul chhīn kar
zard mausam ne jashn-e-bahārāñ kiyā

vo bahāroñ kā ho mausam yā ḳhizāñ kī rut ho
pyaar ke baaġh meñ har gul kī mahak baaqī hai

mausam-e-gul aayā hai yaaro kuchh merī tadbīr karo
yaanī sāya-e-sarv-o-gul meñ ab mujh ko zanjīr karo

sab ko rusvā baarī baarī kiyā karo
har mausam meñ fatve jaarī kiyā karo

ab jald ye be-ābī-e-mausam kī balā jaa.e
ashjār kī fariyād se sailāb na aa jaa.e

nazar jis se churā kar maiñ guzarnā chāhtī huuñ
vo mausam hī mujhe tasḳhīr karnā chāhtā hai

ahl-e-chaman kī aañkh se aañsū nikal paḌe
mausam ne ruḳhsatī jo sunā.ī bahār kī

mausam-e-gul phir aane lagā hai
phir vahī ġham satāne lagā hai

sharīk-e-shauq-e-safar hai agar vo merā 'nāz'
maiñ kyuuñ na mausam-e-gul kī bashāratoñ meñ rahūñ

kuchh der meñ bādal barseñge kuchh der meñ sāvan jūmeñge
tum zulf yuuñ hī lahrā.e raho mausam meñ sanak aa jā.egī

ḳhabar detī hai tahrīk-e-havā tabdīl-e-mausam kī
khileñge aur hī gul zamzame bulbul ke kam hoñge

mausam ho koī yaad ke ḳheme nahīñ uThte
sahrā se tire chāhne vaale nahīñ uThte

mausam-e-bārān-e-furqat meñ rulāne ke liye
mor din ko bol uThtā hai papīhā raat ko

kyā isī din ke liye māñgī thī phūloñ kī duā
shabnamī-mausam meñ bhī raqs-e-sharar dekheñge log

mausam kī her-pher ne sābit ye kar diyā
kuchh mere jism kā bhī ta.alluq makāñ se hai

badalte mausam ke rañg saare na tum hamāre
na ab ye sūraj na chāñd haala suno ġhazāla

mausam kī ayyāsh havā ne kachche phal bhī toḌ liye
shāḳh pe larzāñ pattā pattā sahmā sahmā lagtā hai