Tags-Mausam

huā fasād to is meñ nahīñ kisī kā qusūr
havā-e-shahr ne mausam ḳharāb likkhā hai

vo shāḳh-e-gul kī tarah mausam-e-tarab kī tarah
maiñ apne dasht meñ tanhā charāġh-e-shab kī tarah

na baaqī hai saaya na barg-o-samar haiñ
maiñ mausam kī sāzish kā maarā huā huuñ

phir 'mumtāz' kisī kī yādeñ kūñjeñ ban kar lauTeñg
mausam aane vaalā hai phir zaḳhmoñ kī hariyālī kā

mausam ke paas koī ḳhabar mo'atabar bhī ho
mauj-e-havā ke saath tirā nāma-bar bhī ho

ajiib mausam-e-karb-o-balā hai gulshan meñ
rakhā hai ġhunchoñ ne kāñToñ pe apnā sar ab ke

hamārā rabt-o-ta.alluq hai chand shāmoñ kā
shajar pe tā.ir-e-mausam kā āshiyāñ jaise

shab-e-firāq ho yā ho visāl kā mausam
ye dil sukūn na paa.e to kyā kiyā jaa.e

saare mausam ek tasalsul meñ shāmil haiñ
terā aanā kaisā terā jaanā kaisā

firāq mausam kī chilmanoñ se visāl lamhe chamak uTheñge
udaas shāmoñ meñ kāġhaz-e-dil pe guzre vaqtoñ ke baab likhnā

barf pighlegī to mausam bhī badal jā.eñge
pau phaTegī to ujālā nazar aa jā.egā

taaza rut ke istiqbāl kī ḳhātir shāḳhoñ ne
peḌ ke saare mausam-dīda-pāt uchhāl diye

ḳhatm hotā hī nahīñ dasht kā ab sannāTā
koī mausam ho yahāñ ek samāñ rahtā hai

havā bhī tez na thī mo.atadil thā mausam bhī
zamīn paañv ke nīche thī ik zamāna huā

taaza khile hue haiñ ye gulhā-e-zaḳhm-e-rañg
har aan ek mausam-e-ḳhūñ-rez mujh meñ hai

chāk-e-jigar mohtāj-e-rafū hai aaj to dāman sarf-e-lahū hai
ik mausam thā ham ko rahā hai shauq-e-bahārāñ tum se ziyāda

hare mausam khileñge sonā ban ke ḳhaak badlegī
kahāñ tak ye zamīñ āḳhir na.ī poshāk badlegī

jahān-e-ārzū meñ
be-yaqīnī ke sabhī mausam

sho.ale se kyuuñ lapakte haiñ gulshan se baar baar
'yāqūb' kyā bahār kā mausam phir aa gayā

be-libās ho kar bhī peḌ to rahe qaa.em
hijratoñ ke mausam ne dar-ba-dar kiye patte