Tags-Mausam

'najmī' sunā hai tum pe bhī mausam hai mehrbāñ
bād-e-sumūm se kabhī purvā.ī maañg lo

mausam kā zulm sahte haiñ kis ḳhāmushī ke saath
tum pattharoñ se tarz-e-shakebā.ī maañg lo

baat karnā mausam-e-barsāt kī pahlī jhaḌī
muskurā ke dekhnā qaus-e-quzah kā hai zuhūr

ab ke mausam meñ ye dīvār bhī gir jaa.e 'shakīl'
is tarah jism kī buniyād meñ aañsū aa.e

udaas aañkh ko hai intizār fasl-e-murād
kabhī to mausam-e-jāñ hogā sāzgār apnā

taaze khile haiñ daaġh ke gul dil ke baaġh meñ
phir mausam-e-bahār huā kyā bajā huā

burī kis kī tum ko nazar lag ga.ī hai
bahāroñ ke mausam meñ murjhā rahe ho

ghul rahā hai sañkhiyā kitnā havā meñ
har taraf mausam badaltā jā rahā hai

na jaane kaun se mausam meñ jī rahā thā maiñ
ki merī pyaas thī merī na merā dariyā thā

donoñ hī ro paḌe haiñ sar-e-mausam-e-ḳhizāñ
maiñ dekh kar shajar ko shajar dekh kar mujhe

mausam-e-hijr to daa.im hai na ruḳhsat hogā
ek hī lamhe ko ho vasl ġhanīmat hogā

mausam ajiib rahtā hai dal ke dayār kā
aage haiñ lū ke jhoñke bhī ThanDī havā ke ba.ad

sar jhukā.e adab se aatī hai
maut mausam kī rājdhānī hai

jaltā huuñ añdheroñ meñ ki chamke koī chehra
mausam haiñ adāvat ke magar pyaar to dekho

chaak kar lo agar girebāñ hai
dosto mausam-e-bahārāñ hai

haath se kis ne sāġhar paTkā mausam kī be-kaifī par
itnā barsā TuuT ke bādal Duub chalā mai-ḳhāna bhī

pyaas kī bāteñ kahte sunte kitne mausam aa.e ga.e
koī sabīl-e-koh-kanī bhī kab tak zikr-e-qaht-e-āb

jab bhī kabhī shab-ḳhūn paḌā to ahl-e-chaman ḳhāmosh rahe
mausam-e-gul meñ jis ko dekho ''merī shāḳheñ'' ''mere gulāb''

mumkin hai kaT ga.e hoñ vo mausam kī dhaar se
un par phudakte shoḳh parinde the kyā hue

ġhālib ye hai ki mausam-e-ḳhat vaañ qarīb hai
aane lagā hai muttasil us kā payām yaañ