Tags-Mausam

is ḳhizāñ ko sameT lo tum to
mausam-e-ḳhush-gavār kar luuñ maiñ

dhuup hai ab aur na bādal hai na ḳhushbū aur na phuul
saare mausam le gayā āb-o-havā bhī le gayā

tum ne barsāt ke mausam meñ jise dekhā thā
vo hai sūkhā huā tālāb samajh lo laḌkī

mausam-e-hijr koī rut hai na kuchh āb-o-havā
ik taqāzā hai ki phir ghar se nikal kar dekho

maiñ shajar huuñ mausam-e-dard kā yahī rut hai mere liye sadā
kabhī shāḳh shāḳh harī milī kabhī barg barg judā milā

mile to qurb kā vo e'timād hī na rahā
bhalā thā us se to mausam vahī hijāboñ kā

zulf-e-mushkīñ lāla-ruḳh gul-pairahan mast-e-bahār
mausam-e-gul hai tumhāre baam par aane kā naam

kaise dukhoñ ke mausam aa.e kaisī aag lagī yaaro
ab sahrāoñ se laate haiñ phūloñ ke nazrāne log

sard raat apnī nahīñ kaTtī kabhī tere baġhair
aise mausam meñ to aur aag lagātī hai havā

mujhe ḳhabar hai ki mausam nahīñ ye ḳhvāhish kā
mire laboñ pe ye Thahrā hai zā.iqa kaise

zulf kī shaam sub.h chehre kī
yahī mausam janāb de diije

'adam' bahār ke mausam ne ḳhud-kushī kar lī
khulā jo rañg kisī jism-e-arġhavānī kā

kam ulajhtī hai charāġhoñ se havā mere ba.ad
shahr meñ shahr kā mausam na rahā mere ba.ad

dasht meñ raqs-e-shauq-e-bahār ab kahāñ bād-paimā.ī-e-dīvāna-vār ab kahāñ
bas guzarne ko hai mausam-e-hāv-hū tum kahāñ jāoge ham kahāñ jā.eñge

mire makān ke darvāze band rahne do
maiñ apnī aañkh se mausam ḳharāb kyuuñ dekhūñ

sabz mausam kī tanābeñ khīñch legā jism se
aur bāloñ se mire kaalī ghaTā le jā.egā

sabz mausam se mujhe kyā lenā
shāḳh se apnī judā huuñ baabā

suhāgan the mirī bastī ke mausam
khanaktī chūḌiyāñ pahne hue the

ghaTā.eñ raqs kartī haiñ ye mausam raqs karte haiñ
vo zulfoñ ko jab apnī kar ke pur-nam raqs karte haiñ