Tags-Mausam

jaate hue mausam kī to pahchān yahī hai
dastak meñ mujhe degā sadā aur tarah kī

hai raas dil ko udaas mausam
ki dukh ko dil hī sahā karegā

amiir logoñ kī koThiyoñ tak tire ġhazab kī pahuñch kahāñ hai
faqat ġharīboñ ke jhoñpaḌoñ tak hai terā dast-itāb mausam

vo ek banjar zamīn ghar kī jo sun rahī thī sabhī ke ta.ane
ḳhushā ki is baar is zamīñ ko bhī de gayā ik gulāb mausam

ham apne gum-gashta valvaloñ par ḳhunuk havāoñ ke qahqahoñ kā
javāb dete jo saath laatā hamārā ahd-e-shabāb mausam

tire badan kī nazākatoñ kā huā hai jab ham-rikāb mausam
nazar nazar meñ khilā gayā hai sharāratoñ ke gulāb mausam

ye barf pighlegī choTiyoñ se paroñ meñ aa.egī phir harārat
bhareñge ūñchī uḌaan phir ham rahegā kab tak ḳharāb mausam

jaise din jo mausam ho
tū har vaqt nazar meñ rah

is gulsitāñ se fāḳhta parvāz kar ga.ī
mausam ne shāḳh-sār bhī kāñToñ se bhar diye

mausam-e-gul kī na.ī taqsīm hairāñ kar ga.ī
zaḳhm phūloñ ko mile kāñToñ ko ra.anā.ī milī

ruḳhsār-e-gul ke til se haiñ hairān ḳhushbueñ
hai mausam-e-bahār meñ ambar-ba-kaf huā

kitne pāgal haiñ mere shahr ke log
bāñjh mausam meñ phal talāsh kareñ

nafratoñ ke ujaaḌ mausam meñ
pyaar kā koī pal talāsh kareñ

ashk barsā.e kabhī ḳhuun bahāyā ham ne
ġham kā dariyā kisī mausam meñ utarne na diyā

tere aane kā intizār rahā
umr bhar mausam-e-bahār rahā

aayā jo mausam-e-gul to ye hisāb hogā
ham hoñge yaar hogā jām-e-sharāb hogā

ye Dar rahā huuñ maiñ takrār-e-mausam-e-gul se
miTā huā koī aalam phir āshkār na ho

hamāre jismoñ meñ din hī kā zahr kyā kam thā
barahna raat bhī aa.ī to sabz mausam thā

sharh-e-hañgāma-e-hastī hai zahe mausam-e-gul
rah-bar-e-qatrā-ba-dariyā hai ḳhoshā mauj-e-sharāb

hai ye barsāt vo mausam ki ajab kyā hai agar
mauj-e-hastī ko kare faiz-e-havā mauj-e-sharāb